Rəqəmsal İnkişaf və Nəqliyyat Nazirliyi 2024-cü ilədək bütün ölkə ərazisində, hətta ən ucqar ərazilərdə də keyfiyyətli internetə əlçatanlığı tam təmin edəcəyini bildirib.İndiyədək ölkədə 700 minə yaxın ev təsərrüfatı GPON texnologiya ilə fiber-optik internetlə təmin olunub.
Nazirlik GPON infrastrukturun qurulmasına 2017-ci ildə start verib.
Son iki ildir ki, RİNN “Onlayn Azərbaycan” layihəsi çərçivəsində fiber-optik şəbəkənin qurulması istiqamətində işləri xeyli sürətləndirib.
Nazirlik yaxın iki ilə bütün ölkə üzrə minimum 25Mbit/s sürət təqdim etməyi hədəfləyib.
RİNN tabeliyində olan AzTelekom və Baktelecom tərəfindən son 5 il ərzində illər üzrə GPON çəkilişi statistikası aşağıdakı kimi olub :
2017-ci il 23000
2018-ci il 51000
2019-ci il 97000
2020-ci il 56000
2021-ci il 143000
2022-ci il 341000
Cəmi: 711 000
Göründüyü kimi, 2021-22-də əvvəlki 4-5 ildəkindən dəfələrlə çox keyfiyyətli internet bağlantısı təmin edilib.
Xatırladıram ki, son iki ildə dövlətə məxsus rabitə resursları üzərində inhisarçılıq da demək olar ki, aradan qaldırılıb.
Hazırda digər özəl provayderlər tərəfindən də müxtəlif texnologiyalar (GPON, LTE, fiber-optik, kabel texnologiyası, 3G, 4G və s.) əsasında genişzolaqlı internet infrastrukturu qurulur.
çap et