Sentyabrın 13-də İranın paytaxtı Tehranda əxlaq polisi tərəfindən saxlanılan Mahsa Əmininin vəfatından sonra ölkənin bir çox yerində başlayan etirazlar davam edir.Nümayişlər üçüncü ayına qədəm qoyarkən İrandan diqqətəlayiq bir addım gəldi. “Agence France-Presse” (AFP) xəbər verir ki, İranın Baş prokuroru əxlaq polisinin ləğv edildiyini açıqlayıb.
Digər tərəfdən, İran Milli Təhlükəsizlik Şurası bu günə qədər aralarında təhlükəsizlik qüvvələri də daxil olmaqla 200-dən çox insanın etirazlarda həyatını itirdiyini açıqlayıb.
Norveç mərkəzli İran İnsan Haqları Təşkilatı (IHR) isə noyabrın 29-da dərc etdiyi hesabatda nümayişlərə təhlükəsizlik qüvvələrinin müdaxiləsi nəticəsində 448 nəfərin həyatını itirdiyini bildirib.
çap et