Türkiyə Böyük Millət Məclisinin (TBMM) sədri Cəmil Çiçək Qarabağ münaqişəsindən danışıb.
ANS PRESS-in məlumatına görə, Polşaya səfər edən Cəmil Çiçək çıxışı zamanı Azərbaycan torpaqlarının beşdə birinin 1992-ci ildən bəri Ermənistanın işğalı altında olduğunu qeyd edib.
Bir milyondan çox azərbaycanlının öz yurd-yuvasından məcburən köçürüldüyünü deyən Cəmil Çiçək erməni işğalının ən qısa bir zamanda sona çatmasının vacibliyini vurğulayıb: «Azərbaycanlı qaçqınların rahat bir şəkildə evlərinə geri qayıtmalarını və Dağlıq Qarabağ probleminin bütün istiqamətlərdə müzakirə edilməsi böyük önəm kəsb edir».
çap et