Rusiya prezidenti Vladimir Putin Manisa vilayətinin Soma qəsəbəsindəki kömür mədənində baş verən dəhşətli faciə ilə bağlı Türkiyə dövlət başçısı Abdulla Gülə və baş nazir Rəcəb Tayyib Ərdoğana başsağlığı verib. Kremlin rəsmi saytı xəbər verir ki, başsağlığı mesajında deyilir:
«Rusiya kömür mədənində baş verən partlayışda həlak olanların doğmalarına başsağlığı verməklə şəfqət və dəstəyini nümayiş etdirir. Zərərçəkmiş şəxslərə isə tezliklə sağalmalarını arzu edirik».
Qeyd edək ki, ötən gün Türkiyənin Manisa vilayətinin Soma qəsəbəsindəki kömür mədənindəki baş verən partlayışda 200-dən çox insanın öldüyü bildirilir. Faciə ilə əlaqədar Türkiyə hökuməti ölkədə üç günlük matəm elan edib.
çap et