Sərnişin azlığı səbəbindən «Azərbaycan Hava Yolları» QSC (AZAL) bu gün Bakı-İstanbul aviareysini təxirə salıb.AZAL-ın mətbuat xidmətindən verilən məlumata görə, şirkət Bakıdan İstanbula olan bir reysini təxirə salıb: «Bu gün «B767-300» tipli təyyarə ilə yerinə yetirilməsi nəzərdə tutulan J2 077 saylı reysin təxirə salınmasına səbəb sərnişin azlığıdır. Bakıdan saat 20:45-də yola düşməli olan aviareys, yerli vaxtla saat 23:50-də İstanbula enməli idi».
Sözügedən reysə bileti olan sərnişinlərin biletləri digər reyslərlə əvəz edilib.
Qeyd edək ki, AZAL Bakı-İstanbul marşrutu üzrə həftənin bütün günləri (gündə - 5 reys) uçuşlar həyata keçirir. Bu istiqamət üzrə biletin qiyməti bir tərəfə 220 manat, hər iki istiqamətdə isə 396 manatdan başlayır.
çap et