Vaxt.Az

Təbriz Universitetinin rektorundan təhlükə xəbərdarlığı


 

«Üzü qibləyə çevrilmiş Urmu gölü qonşu ölkələri də təhdid edir»

Təbriz Universitetinin rektorundan təhlükə xəbərdarlığı «Urmiya gölü yenidən canlandırılmazsa, ölkənin 3-4 vilayəti quraqlıqla üzləşəcək və bu hadisənin ətraf-mühitə olan mənfi təsiri qonşu ölkələri də təhdid edəcək».

«Urmiya gölü yenidən canlandırılmazsa, ölkənin 3-4 vilayəti quraqlıqla üzləşəcək və bu hadisənin ətraf-mühitə olan mənfi təsiri qonşu ölkələri də təhdid edəcək».

Bu sözləri Təbriz Universitetinin rəisi bu gün səhər saatlarında təmsil etdiyi universitetdə «Urmu gölü böhranının ətraf-mühitə təsiri və coğrafi nəticələri» mövzusunda keçirilən beynəlxalq konfransda deyib.

«Təbriz Universiteti Urmiya gölü ilə bağlı üzərinə düşən məsuliyyəti yaxşı hiss edir və bu istiqamətdə müəyyən addımlar atır. Biz ətraf-mühit mövzularında Urmu gölünü hər zaman gündəmdə saxlamalıyıq və bunun üçün xüsusi imkanlar və tribuna lazımdır. Urmu gölünü Allah yox, bizim ümidsiz baxışlarımız və tədbirsiz vəziyyətdə olmağımız qurutdu. Təbiətdə cazibə adlı bir qanun var. Bu qanun bizim istəklərimizə həssasdir. Biz gölün quruyacağına inanırıqsa, bu elədə olacaq. Lakin əgər gölün yenidən dirçələcəyinə inanıb və bu istiqamətdə ciddi fəaliyyət aparsaq, mütləq nəticə verəcək»- deyə Məhəmmədrza Purməhəmmədi qeyd edib.

O əlavə edib ki, qonşu ölkələrdən külək vasitəsi ilə gələn zərrəciklər sadəcə torpaq və tozlardan ibarətdir. Bu məsələ bizim hamımızı narahat edir. İndi təsəvvür edin ki, Urmu gölü quruyub və bölgəni duz zərrəcikləri bürüyüb. Görün onda hansı xəstəliklərlə üz-üzə qalarıq!?

«Artıq üzü qibləyə çevrilmiş Urmiya gölü adlı xəstənin yenidən dirçəlməyəcəyi bizdə nigaranlıq hissi yaradır. Bu baş verərsə, ölkənin 3-4 vilayəti quraqlıqla üzləşəcək və bu hadisənin ətraf-mühitə olan mənfi təsiri qonşu ölkələri də təhdid edəcək»- deyə N.Purməhəmmədi bildirib.

Xatırladaq ki, Təbriz Universitetində «Urmiya gölü böhranının ətraf-mühitə təsiri və coğrafi nəticələri» mövzusunda beynəlxalq konfrans keçirilir. Noyabrın 23-də başlayan konfrans 2 gün davam edəcək. Konfransa Amerika Birləşmiş Ştatları, İtaliya, İngiltərə, Türkiyə, Norveç, Malayziya və ölkə daxilindən mütəxəssislər qatılıb.

 





23.11.2016    çap et  çap et