Azərbaycan və Rusiya arasında münasibətlərin yüksək səviyyəsi sabitdir və iki ölkə xalqları arasında çoxillik dostluqla möhkəmlənib.
Virtualaz.org-un məlumatına görə, bunu bu gün keçirilən brifinq zamanı Rusiya Xarici İşlər Nazirliyinin rəsmi nümayəndəsi Mariya Zaxarova deyib.
Azərbaycanın birinci xanımı Mehriban Əliyevanın və Qafqaz Müsəlmanları İdarəsinin rəhbəri Allahşükür Paşazadənin Moskvaya səfərlərini şərh edən M.Zaxarova iki ölkə arasında yüksək səviyyəli münasibətlərin əsasının dövlət başçıları tərəfindən qoyulduğunu deyib.
XİN nümayəndəsinin sözlərinə görə, bu cür səfərlər Bakı və Moskva arasında münasibətlərin səviyyəsini əks etdirir.
«Bütün dünya üçün çətin anda maraqlı və ictimai əhəmiyyətli tədbirlər keçirməyimiz xüsusilə xoşdur. Bu tədbirlər yalnız əlaqələrimizi gücləndirmir, bunlar həm də beynəlxalq münasibətlərdə müsbət gündəm yaradır» - M.Zaxarova vurğulayıb.
çap et