Aylardır maaşlarını ala bilməyən Təbriz Avtoyükləyiciqayırma Zavodunun (Lifteraksazi karxanəsi) işçiləri etiraz aksiyası keçiriblər.Son iki gündür zavodun qarşısına toplaşan onlarla işçi 3 aydır maaşlarının ödənilmədiyini bildirirlər.
170 işçinin çalışdığı zavodun sahibi işçilərin maaşını gecikdirməkdən başqa onların sığorta haqlarını da ödəməkdən imtina edir.
«Vaxtı ilə zavodda hər şey öz qaydasında idi. Lakin zavod 4 il öncə özəlləşdirildikdən sonra bir çox problemlər başladı. Hazırda da zavodda istehsal səviyyəsi pis deyil. Lakin işçilərin maaşı 3 aydır ödənilmir»- deyə zavod rəhbərliyinə qarşı etiraza qalxan işçilər bildirir.
çap et