«Sultanın istəklisi» qonaqdır

Sonra çıxış edən Elmira Abbaslı vurğulamışdır ki, onun əsəri «Kukla» art qalereyasında ilk dəfə təqdim olunur. Kuklaçı-rəssam sərgilənən əsərin yeni iş olduğunu nəzərə çatdırmışdır. Bildirmişdir ki, «Sultanın istəklisi» adlanan əl işini hazırlamaq ideyası üç il bundan əvvəl yaranıb və bir ilə ərsəyə gəlmişdir. Vurğulamışdır ki, insanlar bu sərgiyə təkrar-təkrar gələcəklər və hər dəfə yeni, görmədikləri bir məqam tapacaqlar.

Elmira Abbaslı incəsənətdə kukla sənətinin qədim zamandan mövcud olduğunu diqqətə çatdıraraq bildirmişdir ki, bu sənətlə 1983-cü ildən məşğuldur. Qeyd etmişdir ki, hazırladığı kuklalar beynəlxalq sərgilərdə iştirak edə biləcək səviyyədədir.

Rəssam saray mövzusuna, Şərq üslubuna həmişə maraq göstərdiyini söyləyərək vurğulamışdır ki, bu əsərindən əvvəl «Şah» və «Şəhrizad» işlərini hazırlamışdır və «Sultanın istəklisi» əsəri bir növ onların davamıdır.

Nəzərə çatdırılmışdır ki, sərgidə bu əsərlə yanaşı, mücrü və güzgülər də yer almışdır.

Sərgi noyabrın 1-dək davam edəcəkdir.