Vaxt.Az

«Hər gün döyün!»


 

Bakıda psixoloq uşağı döydü və bunu valideynlərinə də məsləhət bildi

«Hər gün döyün!» Azərbaycanda oğlan övladının qız oyuncaqlarına meylli olduğunu görən valideynlər onu psixoloqa aparıblar. Psixoloq isə elə valideynlərinin gözləri qarşısındaca uşağı döyüb.

Bu barədə psixoloq Xatirə Səfərova «Facebook» səhifəsində status paylaşıb. Bildirib ki, hazırda həmin uşaq onun terapiya prosedurasından keçir.

«Bir valideyn 5 yaşlı oğlunun qız oyuncaqlarına meylini görüb aparıb psixoloqa. Psixoloq isə valideynlərinin yanında uşağı vurub. Daha sonra məsləhət verib ki, uşağı hər gün döyün. Tapşırın ki, bir də qız oyuncaqları ilə oynasa, döyüləcək. Aparın cüdoya qoyun. Üzgüçülüyə qoymayın, qız kimi fiqurası olar. Peçenye, şirniyyat yeməyə qoymayın. Homoseksuallar şirniyyata meylli olur. Əlinə rəngli qələm almağa imkan verməyin ki, rəsmə meyli olsun».

Psixoloq bildirib ki, uşaqları bu cür savadsız psixoloqların yanına aparmaq olmaz. Bu cür psixoloqlar yaxşıların da adını batırır. (baku.ws)

 





10.02.2017    çap et  çap et