Dünyanın ən zənginlərindən olan İlon Mask səhhəti ilə bağlı mübahisələrə səbəb olan ABŞ prezidenti Co Baydenə qarşı tənqidlərin dozasını artırarkən rəqibi Donald Trampın kampaniyasına ianə verib.“Bloomberg”in müxtəlif mənbələrə əsaslanaraq verdiyi xəbərə görə, Mask Trampın yenidən ABŞ prezidenti seçilməsi üçün çalışan “America PAC”a böyük miqdarda ianə ilə dəstək verib. Xəbərdə ianənin məbləği dəqiqləşdirilməyib. Lakin Mask daha sonra sosial şəbəkədə paylaşdığı mesajda heç bir prezidentliyə namizədə ianə vermədiyini bildirib.
Respublikaçılar Partiyası tərəfindən gələn həftə rəsmi olaraq prezidentliyə namizəd göstəriləcək və anketlərdə öndə olan Tramp mart ayında Mask da daxil olmaqla bəzi zəngin şəxslərlə görüşüb.
“Tesla”nın sahibi İlon Mask Trampın müşaviri olacağı ilə bağlı yayılan xəbərləri də rədd edib, lakin respublikaçıları dəstəkləyən açıqlamalar verib. Baydenin siyasətlərini sosial mediada tənqid edən Mask Trampla bir neçə dəfə görüşdüyünü də açıqlayıb.
Elektrik avtomobil inhisarını tənqid edən Tramp ötən ay verdiyi mesajda “Ancaq mən İlonun fanatıyam” demişdi.
Baydenin seçki kampaniyasının sözçüsü Ceyms Sinqer, Elon Musk kimi zənginlərin Trampı vergi siyasətlərinə görə dəstəklədiyini ifadə edərək, “o bilir ki, vergiləri azaldacaq, orta təbəqəninkini isə artıracaq”, – deyib.
çap et