“İşğalın növbəti mərhələsinə imkan verməməliyik”

Ukrayna prezidenti Zelenski BMT Baş Assambleyasında çıxış edib

Ukraynasız ədalətli dünyanın olmayacağını bildirən Zelenski, "Ukraynadan 20 dəfə böyük olan Rusiyanın hələ də daha çox torpaq istədiyini görürük. Əslində bu, sadəcə dəlilikdir və bu dəlilik Rusiyanın qonşusunu məhv etmək istəyidir”, – deyib.

Zelenski 100-ə yaxın ölkə və beynəlxalq təşkilatın Ukraynanın təklif etdiyi Sülh Formulasını dəstəklədiyini xatırladıb və bu ölkələrə və beynəlxalq təşkilatlara təşəkkür edib.

Şimali Amerika, Afrika və Asiya ölkələrinin Sülh Formulasında bir araya gəldiyini bildirən Zelenski, “Baş Assambleyaya xatırladıram ki, Sülh Sammitində iştirak edən bütün millətlər bərabərdir və bu xalqların qərarını əngəlləyən yoxdur”.

***

Zelenski deyib: “Təəssüf ki, müharibə və sülh məsələlərini BMT-də həqiqi və ədalətli şəkildə həll etmək mümkün deyil, çünki çox şey Təhlükəsizlik Şurasından və vetodan asılıdır. Təcavüzkar veto hüququndan istifadə etdikdə, BMT müharibəni dayandırmaqda acizdir. Lakin, Sülh Formula bunu edə bilər, çünki burada heç bir veto hüququ yoxdur. Bu, sülh üçün ən yaxşı fürsətdir”.

Heç kimin Sülh Formulasına veto qoymaq və ya ona mane olmaq hüququnun olmadığını, əsrlər boyu müstəqil olanlarla müstəqilliyini yenicə əldə edənlərin, şəxsən müharibələr yaşamışların və sülhə alışanların bərabər olduğunu vurğulayaraq , Zelenski buna nəzarət edə bilmədiyi üçün Sülh Formulasına ən çox Rusiyanın nifrət etdiyini söyləyib.

Zelenski BMT Baş Assambleyası çərçivəsində Hindistan, Qvatemala, Yaponiya, İtaliya, Türkiyə, Finlandiya, Kanada, Paraqvay, Sloveniya, Almaniya və digər ölkələrin liderləri ilə görüşdüyünü və bu görüşlərin davam edəcəyini bildirib: “Bunlar onlar dünyanın tamamilə fərqli bölgələri və fərqli siyasi strukturlardır. Lakin onlar “sülh zəruri və real olmalıdır, ədalətli dünya olmalıdır vahid anlayışında birləşiblər” , – deyib.

***

Ukrayna xalqı üçün həqiqi və ədalətli sülh istədiyini vurğulayan Zelenski, “Və mən sizdən, dünyanın bütün ölkələrindən dəstək istəyirəm. Biz dünyanı bölmürük. Mən də sizdən eynisini istəyirəm. Birləşən millətlər olun və bu bizə sülh gətirəcək”.

Ukraynadakı müharibəni bitirmək üçün Rusiya qoşunlarının Ukrayna ərazisindən çıxması lazım olduğunu bildirən Zelenski, “Rus işğalının ikinci və ya üçüncü mərhələsinə icazə verməməli və müharibənin bitdiyini açıq şəkildə bildirməliyik”, – deuib.

Hər hansı alternativ sülh cəhdlərinin müharibəni bitirmək deyil, onu sakitləşdirmək cəhdləri olduğunu deyən Zelenski, Ukraynada hərbi əməliyyatların dondurulmasının daha çox ağrı və fəlakətə səbəb olacağını, alternativ sülh axtarışlarının isə müharibəni bitirməyəcəyini bildirib.

Zelenski qeyd edib ki, enerji obyektləri Ukraynanın nəzarətinə qaytarılmalı, hərbi əsirlər və mülki şəxslər Ukraynaya qaytarılmalı, işğalçı qüvvələr Ukrayna ərazisini tərk etməlidir.