Bu gün Səbail Rayon Məhkəməsində Nəqliyyat, Rabitə və Yüksək Texnologiyalar Nazirliyi yanında Elektron Təhlükəsizlik Mərkəzinin «Azadlıq« qəzetinin azadliq.info, «Azadlıq» radiosunun azadliq.org, «Turan» telekanalı («TuranTV»), «Azərbaycan saatı» teleproqramlarının (azerbaycansaati.com) və meydan.tv saytlarının bloklanması ilə bağlı mülki iddiası əsasında məhkəmə iclası yekunlaşıb.Virtualaz.org saytının xəbərinə görə, prosesə hakim Nurəddin Bağırov sədrlik edib. Məhkəmə iddianı təmin edib və adıçəkilən saytların blonklanması ilə bağlı qərar elan olunub.
Qeyd edək ki, Nəqliyyat Rabitə və Yüksək Texnologiyalar Nazirliyi yanında Elektron Təhlükəsizlik Mərkəzi «Azadlıq» qəzetinin azadliq.info, «Azadlıq» radiosunun azadliq.org saytları, həmçinin azərbaycansaati.com, meydan.tv saytlarını, «Turan» telekanalı (Turan TV) və «Azərbaycan saatı» teleproqramlarının bloklanması ilə bağlı bir müddət əvvəl Səbail Rayon Məhkəməsinə müraciət etmişdi.
Müraciətdə bildirilirdi ki, martın 27-də nazirliyə baş prokuror Zakir Qaralovun imzası ilə məktub daxil olub. Məktubda göstərilib ki, sözügedən saytlarda ölkənin konstitusion quruluşunun zorla dəyişdirilməsinə, destruktiv hərəkətlərə çağırış, radikal dini qrupların təbliğinə yönəlmiş materiallar yayımlanır.
çap et