Dərslər bərpa olunmayacaq
Ali təhsil müəssisələrinə qəbul imtahanları bir mərhələdə təşkil olunacaq
MÖVZU İLƏ ƏLAQƏLİ
-
Yumşalma rahatlıq əvəzinə təlaş yaratdı
Camaatın axışdığı bazarlarda, apteklərdə limon və ağrıkəsici yoxa çıxıb
-
DST gələcək pandemiyalara hazırlaşır
“Mümkün qlobal epidemiyalarla mübarizə” üçün ilk beynəlxalq müqavilə layihəsi hazırlanır
-
Qriplə fərqi qalmadı...
Avropa ölkəsi COVİD-19 yoluxmaları zamanı məcburi karantini ləğv edir
-
Çində etirazçı ovu
Polisi aksiya iştirakçılarını mobil telefon siqnalları ilə aşkarlayır
-
Hökumət geri addım atdı
Çində baş verən etiraz aksiyalarının görünməmiş miqyası pandemiya yumşalmalarına səbəb oldu
-
Çində polis nümayişlərə maneə törədib
Sərt tədbirlər davam edir
-
Fransada COVİD-19 yoluxmalarında artım
Ölkə bronxiolit epidemiyasından keçir
-
Çində etirazlar şiddətlənir
İzdihama qalxan xalq karantin çadırlarını və test götürülmə kabinetlərini dağıdıb
-
Çin qaynayır
İnsanlar COVİD qapanmalarından bezib, gündəlik yoluxma sayı on minlərlədir
-
Çində COVİD dalğasının sayı itib
Parklar, ticarət mərkəzləri və muzeylər yenidən bağlanıb
-
10 min yeni yoluxma
5 milyondan çox insan qapanmalar altında yaşayır
-
Çinin əvvəlki tempi bərpa olunmayacaq
Dünya iqtisadiyyatı tənəzzüldən qurtulmağa çalışır
-
Yoluxma 300-ü keçdi
175 nəfər sağalıb
-
“Kentavr” təhlükəlidir?
DST-dən COVID-19-un subvariantı barədə açıqlama
-
Dünya dizüstə qalıb
Beynəlxalq iqtisadiyyat dilemma ilə qarşı-qarşıyadır
-
Xəstə sayı 1096 nəfər oldu
COVİD-19-a yoluxma sayı yenə artdı
Ali təhsil müəssisələrinə qəbul imtahanlarının 20 iyul tarixindən sonra 1 dəfə keçirilməsi nəzərdə tutulur.
Bunu Nazirlər Kabineti yanında Operativ Qərargahın mayın 7-də keçirilən mətbuat konfransında Dövlət İmtahan Mərkəzinin Direktorlar Şurasının sədri Məleykə Abbaszadə bildirib. Onun sözlərinə görə, əvvəlki illərdə olduğu kimi, müsabiqə buraxılış və qəbul imtahanlarında toplanılan ballar əsasında 700 ballıq şkala əsasında olacaq.
Ali təhsil müəssisələrinə qəbul olmaq üçün abituriyentlərin sənəd qəbulu onlayn şəkildə 12 may – 5 iyun tarixlərində aparılacaq. I-IV ixtisas qruplarının biri üzrə imtahanda iştirak etmiş abituriyentlər eyni zamanda V ixtisas qrupu üzrə müsabiqədə iştirak edə bilərlər (qabiliyyət imtahanında müvəffəqiyyət qazanmaq şərti ilə).
Qəbul imtahanı proqramından martın 1-dən sonra tədris olunan mövzular (11-ci sinfə aid) çıxarılır və imtahanlarda həmin mövzuların qiymətləndirilməsi nəzərdə tutulmur.
XI sinif buraxılış imtahanlarının isə iyun ayı ərzində təşkil edilməsi planlaşdırılır: “Məzunlar buraxılış imtahanında, əvvəlki illərdə olduğu kimi, hər fənn üzrə maksimum 100 bal toplaya bilərlər”.
M.Abbaszadə bildirib ki, IX sinif buraxılış imtahanlarının iyun ayında bir mərhələdə bu imtahanın II mərhələsinin modeli əsasında keçirilməsi planlaşdırılır. 1 mart tarixində Bakı, Şirvan və Naxçıvan Muxtar Respublikasında I mərhələ üzrə imtahan vermiş məzunların imtahan nəticələri elmi-statistik hesablamalar tətbiq edilməklə 100 bala uyğunlaşdırılacaq. Digər bölgələr üzrə məzunlar yalnız imtahanın II mərhələsində iştirak edəcəklər. Bu mərhələ üzrə maksimal bal hər fənn üzrə 70 deyil, 100 ballıq şkalaya uyğun hesablanacaq.
DİM sədri deyib ki, nəticələri I mərhələ imtahanı əsasında hesablanmış məzunlar qiymətlərindən narazı olduqları halda II mərhələ imtahanında iştirak edə bilərlər. IX sinif üzrə buraxılış imtahanı proqramından da martın 1-dən sonra tədris olunan mövzular çıxarılır və həmin mövzuların qiymətləndirilməsi nəzərdə tutulmur.
Mətbuat konfransında çıxış edən Təhsil naziri Ceyhun Bayramov diqqətə çatdırıb ki, Nazirlər Kabineti yanında Operativ Qərargah tərəfindən verilən qərara uyğun olaraq ümumtəhsil müəssisələrində təlim-tədris prosesinin dayandırılması mayın 31-dək uzadılıb. İyunun 1-dən sonra isə dərslərin bərpası nəzərdə tutulmur.
2019-2020-ci tədris ilinin sonu üçün hər hansı qiymətləndirmə, böyük və kiçik summativlərin keçirilməsi də nəzərdə tutulmur. Bunun üçün I yarımil üçün nəticələr əsas götürüləcək, şagirdlərin yekun qiyməti çıxarılacaq və onlar növbəti sinfə keçiriləcək.
Ali tədris müəssisələrində də tədris ilinin uzadılması nəzərdə tutulmur. C.Bayramov qeyd edib ki, ali məktəb tələbələrinin 75 faizə qədəri onlayn dərslərə qoşulub. Ali məktəblərdə yay sessiyasının iyun-iyul aylarında həyata keçirilməsi nəzərdə tutulur. İyun-iyul aylarında tələbələr imtahan sessiyasında iştirak edə bilmədiklərini nəzərə çatdırarlarsa, həmin tələbələr üçün avqustun sonu, sentyabrın əvvəlində xüsusi imtahan sessiyası keçiriləcək.