QRU-nun quru məğlubiyyəti
Rusiya kəşfiyyatçılarının daha bir əməliyyatı rüsvayçılıqla bitdi
Şahin CƏFƏRLİ
MÖVZU İLƏ ƏLAQƏLİ
-
Sağ qalmaq üçün böyük düşünmək lazımdır
Regionda Fransanın təsir dairəsində olan ölkələr məğlubiyyətə məhkumdur
-
Qarğa səsli “bülbül”
Rusiya mediası Ermənistan-Azərbaycan yaxınlaşmasına qərəzlidir
-
“Türkiyənin Rusiyadan başqa prioritetləri var”
ABŞ mediası: “NATO mümkün müharibəyə hazırlaşarkən daxili problemlərlə mübarizə aparır”
-
Ukrayna cəbhəsində kritik ay
Putin andiçmə mərasiminə və Qələbə gününə hədiyyə kimi Çasov-Yar təpələrini istəyir
-
Rusiyanı gözləyən təhlükə
Ukraynadan qayıdan əsgərlər tərəfindən törədilən qətllərin sayı 9 dəfə artıb
-
Türkiyənin namizədi bəlli oldu
NATO Stoltenberqin varisini müəyyən etməyə tələsir
-
Makron NATO-ya inanmır?
Fransa prezidenti yenə “ortaq Avropa müdafiəsi”ndən dəm vurur
-
Baltikyanı ölkələrdə panika
“Zirzəmiləri sığınacaqlara çevirin”
-
Rusiya BMT sanksiyalarını pozub
Ukraynada Şimali Koreyaya məxsus raketin qalıqları tapılıb
-
“Yenilməz batareya” məhv oldu
Ukrayna ordusu Krımdakı “S-400”lərin birini vurub
-
“Özünü müdafiə hüququ çərçivəsindədir”
NATO Ukraynanın Rusiya ərazisini bombalamağa yaşıl işıq yandırıb
-
95 milyard dollarlıq yardım
ABŞ Ukrayna, İsrail və Tayvana fantastik məbləğ ayırdı
-
“NATO həmişəkindən daha güclüdür”
“Ukrayna müharibəsi təhlükəsizliyin regional deyil, qlobal olduğunu göstərdi”
-
Ukraynada çağırış yaşı aşağı salındı
Zelenski uzun müddətdir yubatdığı qanunu imzaladı
-
“Kerç partlayacaq”
Ukrayna müharibədə bütün balanslar dəyişməyə qərarlıdır
-
“Rusiya gələcəyini Pekinə girov qoyub”
Yens Stoltenberq: “Ukraynanın yeganə dəstəkçisi ABŞ deyil”
Rusiya kəşfiyyatının peşəkarlıq səviyyəsi ya xeyli aşağı düşüb, ya da özləri planlı, məqsədli şəkildə bu cür kobud işləyirlər.
Təsəvvür edin ki, QRU (hazırda Rusiya Silahlı Qüvvələri Baş Qərargahının Baş İdarəsi) zabitləri haker aparaturası quraşdırdıqları avtomobili Kimyəvi silahların qadağan olunması üzrə təşkilatın Hollandiyada yerləşən mənzil-qərargahının qarşısında park edir və antenaları binaya doğru tuşlayıb, qurumun serverinə daxil olmağa çalışırlar. Nəticədə Hollandiya və Britaniya kəşfiyyatının (AIVD və MI-6) birgə əməliyyatı ilə olay yerindəcə yaxalanırlar. Hadisə apreldə baş verib, həmin vaxt bu beynəlxalq təşkilat Britaniyada sabiq QRU polkovniki Sergey Skripal və qızına qarşı istifadə olunan kimyəvi maddə ilə bağlı araşdırma aparırmış.
Eyni günlərdə QRU-nun İsveçrədəki əməliyyatı da uğursuz olub. (Yəqin Berndə “proval”dan sonra zəhər içib binadan yerə düşən professor Pleyşneri xatırladınız) İki rusiyalı haker-kəşfiyyatçı bu ölkənin Spiez şəhərindəki kimyəvi laboratoriyanın yaxınlığında saxlanılıb. Bu laboratoriya həm “Noviçok” məsələsi, həm də Suriyada istifadə olunan kimyəvi silahlarla bağlı araşdırma aparırmış. Həmin “QRU”şniklərin də üzərində haker hücumu üçün nəzərdə tutulan texniki vasitələr aşkarlanıb. İsveçrə hökuməti hadisədən sonra Rusiyadan rəsmi şəkildə tələb edib ki, ölkə ərazisində həyata keçirdiyi casus əməliyyatlarına son qoysun.
Skripal olayının hansı səviyyəyə gəlib çatdığını bilirsiniz: “Boşirov-Petrov” məzhəkəsi... (“Solsberiyə ona görə getmişdik ki, qədim kilsəyə baxaq” filan...) Bu yaxınlarda məlum oldu ki, “Ruslan Boşirov” əslində Rusiya qəhrəmanı, QRU-nun polkovniki Anatoli Çepiqa imiş. A.Çepiqanın əməlləri açıqlamalarından fərqli olaraq, məzhəkədən uzaqdır. Onun 2014-cü ildə Ukraynadakı inqilabdan sonra Yanukoviçin ölkədən qaçırılmasında (Ukrayna daxilində Kiyev-Donetsk-Sevastopol marşrutu üzrə və oradan sualtı qayıqla Rusiyaya), eləcə də 2015-ci ildə İstanbulda çeçen səhra komandiri Abdulvahid Edelgeriyevin qətlində iştirakı barədə məlumatlar var. (Qəhrəman adını hansı əməliyyata görə aldığı məlum deyil.)
Hollandiya müdafiə nazirinin QRU-nun əməliyyatları barədə açıqlamalarından sonra Rusiyaya qarşı sanksiyaların tətbiqi yenidən gündəmə gəldi. Avropa Birliyinin rəhbərləri (Yunker, Tusk, Mogerini) birgə bəyanat yayaraq Rusiyanı ittiham etdilər. Britaniya hökuməti sanksiya məsələsinin AB çərçivəsində müzakirə olunacağını açıqladı. (Britaniya hələlik AB-dən çıxmadığı üçün bu məsələdə müstəqil hərəkət edə bilmir.) ABŞ artıq Skripal hadisəsi - kimyəvi hücum faktı ilə bağlı ilk sanksiyaları tətbiq edib və ikinci - daha sərt sanksiyalar noyabrda tətbiq olunmalıdır. (Bu gün ABŞ Hollandiya və İsveçrədə ifşa olunmuş 4 QRU zabiti də daxil olmaqla, 7 rusiyalıya rəsmi ittiham irəli sürdü.) Avropa Birliyinin hüquqi-normativ bazası kimyəvi hücumla bağlı sanksiya tətbiqini nəzərdə tutmurdu, sentyabrın sonunda AB bununla bağlı hüquqi rejim müəyyənləşdirdi. Yəni artıq baza var.
Son günlər bahalaşan rubl, eləcə də Rusiyanın dövlət istiqrazları və şirkət səhmləri Qərbin yeni ittihamları və sanksiya mövzusunun gündəmə qayıtmasından sonra yenidən ucuzlaşmağa başladı.
Moskvanın Skripalların zəhərlənməsi və Qərb qurumlarına, beynəlxalq təşkilatlara qarşı kiberhücumlarına dair təkzibedilməz dəlil-sübutların ortaya qoyulması Avropada Rusiyaya qarşı sanksiyaların ləğvinə çağıran çevrələrin (İtaliyanın yeni hökuməti başda olmaqla) mövqelərini də zəiflədir.