Bayden Tokiodan Pekini hədələdi
Çin dənizdə başladığı hərbi təlimlərə ABŞ prezidentinə cavab verdi
Elxan ŞAHİNOĞLU
MÖVZU İLƏ ƏLAQƏLİ
-
“İqtisadiyyatlar ksenofobiya səbəbindən durğunlaşır”
Bayden deyir ki, Hindistan, Yaponiya, Çin və Rusiya immiqrantları istəmir
-
Oğurluqda günahlandırılır
Süni intellektə qarşı müəllif hüquqları iddiası qaldırılıb
-
6.5 milyard dollarlıq vəd
“Johnson & Johnson” anlaşma təklif edir
-
“İki dövlət həlli artıq çox çətindir”
Tramp “Time”a danışıb: “Nəticə ala bilməsələr, digər ordu birləşmələrini işə salacağam”
-
“Zombi maral xəstəliyi” epidemiyası
ABŞ-nin 50 ştatının 33-də müşahidə olunan virus insana yoluxurmu?
-
Reseptlə satılacaq
ABŞ-də tarixi “marixuana” hazırlığı
-
3,4 milyard dollarlıq təlatüm
Keçən il 60 yaşdan yuxarı 100 mindən artıq ABŞ vətəndaşı fırıldağın qurbanı olub
-
Seçkiqabağı sorğu həyəcanı
Tramp və Bayden arasındakı uçurum dərinləşir
-
2027-ci il kabusuna hazırlıq
Böyük müharibədən əvvəl qızıl tədarükü – Çin 17 ayda rekord qırdı
-
Ay uğrunda qızğın mübarizə
Yaponiya Çini geridə qoya bilər
-
“ABŞ-la vaxtaşırı görüşürük”
Əsəd: “Heç bir nəticə olmayacağını bilsək belə, cəhd edəcəyik”
-
Nyu-Yorkda siçovul böhranı
Leptospiroz xəstəliyinə yoluxanların sayında ciddi artım var
-
Nüvə müharibəsinə hazırlıq qızışır
ABŞ yeni döyüş başlığının istehsalına başlayır
-
Çinə qarşı kiber hücum ittihamı
Hakerlər ABŞ-ı susuz və enerjisiz qoymağa çalışıblar
-
95 milyard dollarlıq yardım
ABŞ Ukrayna, İsrail və Tayvana fantastik məbləğ ayırdı
-
Təyyarəsi yenə xarab oldu
NATO toplantısına maşınla getdi
ABŞ prezident Co Baydenin Asiyaya 4 günlük səfər turnesi başa çatıb. Bayden əvvəlcə Cənubi Koreyaya səfər edib, Seulda ikitərəfli əməkdaşlıq məsələlərini müzakirə edib, Şimali Koreyanın nüvə təhlükəsi barədə fikir mübadiləsi aparıb. Bayden Cənubi Koreyadan sonra Yaponiyaya gedib, bölgədəki digər əsas müttəfiqlərindən biri ilə müzakirələr aparıb. Tokioda dörd ölkədən formalaşan – ABŞ, Yaponiya, Hindistan və Avstraliya liderlərinin növbəti sammiti də keçirilib.
Bayden Seul və Tokiodakı görüşlərində 3 təhlükədən – Rusiyanın Ukraynaya qarşı işğalçı müharibəsindən, Çinin artan hərbi gücü ilə bərabər Tayvan adasını ələ keçirmək təşəbbüslərindən və Şimali Koreyanın nüvə təhlükəsindən danışıb. Bayden Seulda Cənubi Koreyanın Ukraynaya hərbi yardım çatdırması imkanlarını da müzakirə edib. Cənubi Koreya Rusiyanın Ukraynaya qarşı işğalçı müharibəni pisləsə də, bu müharibədə tərəf olmaq istəmir.
Bayden Tokioda olarkən də Ukrayna mövzusunu unutmayıb. O Yaponiyanın “böyük yeddilərdən” biri olaraq Ukraynaya dəstəyinin vacib olduğunu söyləyib. Yaponiyanın baş naziri Fumio Kisido Ukraynaya dəstəyi davam etdirəcəklərini vəd edib. Rusiya Ukraynaya qarşı işğalçı müharibəyə başladıqdan sonra Tokio ilə Moskva arasında münasibətlər daha da gərginləşib. Birincisi, Tokio Qərbin Rusiyaya qarşı sanksiyalarına qoşulub, ikincisi, Kremlin Kuril adalarını geri qaytarmayacağını anlayan Yaponiya hökuməti Moskva ilə əməkdaşlığı minimuma endirib.
Bayden Tokioda Çinin artan hərbi gücü barədə də fikirlər söyləyib. Bayden jurnalistlərdən birinin sualına cavab verərkən Çinin Tayvana hücum edəcəyi halda ada dövlətinə hərtərəfli dəstək verəcəklərini bildirib. “Ehtiyac yaranarsa, Tayvanı hərbi yolla müdafiə etməyə hazırdır”, deyən Bayden Çinin Tayvanı işğal edəcəyi təqdirdə ABŞ-ın hərbi müdaxilə edəcəyini vurğulayıb. ABŞ prezidenti Çinin Tayvan sərhədinə yaxın uçuşlar həyata keçirməsindən də narahat olduqlarını vurğulayıb.
Çin və Tayvan mövzusu ABŞ, Hindistan, Yaponiya və Avstraliya liderlərinin sammitində də əsas müzakirə mövzularından biri olub. Bu müzakirələrdən narahat olan Pekin dördlü formatı Asiya dövlətlərinin maraqlarına cavab vermədiyini iddia edib. Pekin Tayvan məsələsini Çinin daxili məsələsi sayır. Bu o deməkdir ki, Çin Tayvanı nəzarətə götürə biləcəyi əməliyyatına hər an başlaya bilər və bunu özünün müstəsna hüququ sayır.
Bayden BMT-də islahatların tərəfdarı olduğunu və Yaponiyanın BMT Təhlükəsizlik Şurasının daimi üzvü olması təklifini dəstəklədiyini bildirib. Yaponiya ilə yanaşı Hindistan da BMT Təhlükəsizlik Şurasının üzvü olmaq istəyir. Ancaq Təhlükəsizlik Şurasının digər iki üzvü - Çin və Rusiya çətin ki, Yaponiya və Hindistanın üzvlüyünə səs versinlər.
Pekin Baydenin Cənubi Koreya və Yaponiyaya səfərinə özünəməxsus şəkildə reaksiya verib. Çin Baydenin bu səfərinə bu bölgədə hərbi gəmilərinin təlimlərinə başlamaqla cavab verib.