vaxtlı-vaxtında oxuyun! Bazar, 26 may 2019
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Mustafa Kamal Atatürk (1881 - 1938)

«Milli mənliyini itirmiş cəmiyyət, başqa millətlər üçün ovdur»

Mustafa Kamal Atatürk (1881 - 1938)
CƏMİYYƏT  
14:37 | 23 noyabr 2018 | Cümə Məqaləyə 653 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Hərəyə bir-iki şüşə ...”

Keçmiş rektorun Madrid səfəri barədə yeni iddia - içməyə Şeyxin təyyarəsində başlayıb...

MÖVZU İLƏ ƏLAQƏLİ

Bakı Dövlət Universitetinin keçmiş rektoru, akademik və deputat Abel Məhərrəmovun vəzifəsi ilə vidalaşmasına gətirib çıxaran Madrid səfərinə dair daha bir detal üzə çıxıb. Belə məlum olub ki, rektor hələ Bakıdan Qafqaz Müsəlmanları İdarəsinin rəhbəri Allahşükür Paşazadənin təyyarəsində (özəldir, yaxud icarəyə götürülüb, məlum deyil) içməyə başlayıb. Onu yoldan çıxaran isə nümayəndə heyətində yer alan millət vəkili olub.

Xatırladaq ki, Abel Məhərrəmovun noyabrın əvvəllərində dini tolerantlıq mövzusunda keçirilən konfrans zamanı “Eurostar Madrid” otelində içib Azərbaycan nümayəndə heyətinin digər üzvləri ilə dava salmasına dair bəzi təfərrüatlar ötən həftə mətbuata sızdırılıb. Habelə onun Bakıdan təyyarə ilə çəlləklərdə 2 tona yaxın şərab da apardığı iddia edilib. Bundan dərhal sonra rektor vəzifədən azad olunub və KİV-lər onun 19 illik rektorluğu dövründə topladığı sərvət barədə hələ də yazmaqdadır. Keçmiş rektor özü isə bir neçə günlük sükutdan sonra nəhayət danışıb, mətbuatı onun işdən azad edilməsi ətrafında “şou yaratmaqda” günahlandırıb.

Şeyxülislam Allahşükür Paşazadənin qudası, türk əsilli azərbaycanlı iş adamı Əli Evsen tərəfindən artıq üçüncü ildir təşkil edilən həmin konfransa gedən nümayəndə heyətinin tərkibində jurnalist qismində “REAL TV”-nin baş direktoru Mirşahin Ağayev də olub. Və Mirşahin Ağayev ötən həftə öz proqramında bu qalmaqalla bağlı danışıb, Abel Məhərrəmovu, Şeyxi gözdən salmaq istəyənləri qınayıb.

Bununla belə M.Ağayev bildirib ki, Abel Məhərrəmovun Bakıdan gedərkən təyyarədə spirtli içki içdiyini o da görüb. Belə ki, rektor təyyarədə deputatlardan biri ilə içirmiş və ona içmək təklifini də həmin deputat veribmiş. Doğrudur, bu vaxt Şeyx özü onların yanında olmayıb və təyyarədə istirahət otağına keçibmiş. Amma jurnalist hər halda Şeyxin təyyarəsində spirtli içki içilməsini qınayır. M.Ağayev təyyarədə çəlləklərlə dolu şərabın aparılması haqda iddiaları da təsdiq etmir, amma qeyd edir ki, qayıdanda sərnişinlərdən hərəyə bir-iki şüşə içki gətirənlər var idi...


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *