vaxtlı-vaxtında oxuyun! Çərşənbə axşamı, 19 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Şah İsmayıl Xətai (1487 - 1524)

«Söz vardır kəsdirir başı,
Söz vardır kəsər savaşı»

Şah İsmayıl Xətai (1487 - 1524)
REGİON  
15:40 | 19 fevral 2019 | Çərşənbə axşamı Məqaləyə 1274 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Türkiyədə mənzil iranlıların sayı 4 dəfə çoxalıb

Turistlərdə isə azalma var

MÖVZU İLƏ ƏLAQƏLİ

Türkiyə Statistika Komitəsi cari ilin yanvar ayı ərzində bu ölkədə xarici vətəndaşlar tərəfindən alınan mənzillərlə bağlı məlumat dərc edib. Bu statistika göstərir ki, Amerikanın nüvə razılaşmasından çıxmasından sonra İranlıların Türkiyədə ev alması halları kəskin yüksəlib.

Yanvar ayı ərzində iranlılar 305 mənzil almaqla, iraqlılardan sonra 2-ci yerdə qərarlaşıblar. Bu isə 2018-ci ilin yanvar ayı ilə müqayisədə 3.7 dəfə artım deməkdir. Alınan mənzillərin əksəriyyəti İstanbul və Antalyada yerləşir.

İran, İraq və Fələstin vətəndaşları tərəfindən daşınmaz əmlaka olan kəskin tələbat səbəbindən Türkiyədə xarici vətəndaşlara satılan mənzillərin sayı 82 faiz artıb.

Bundan əlavə, iranlılar 2018-ci il ərzində Türkiyədə 3652 mənzil alıblar, bu isə 2017-ci il ilə müqayisədə 4 dəfə artım deməkdir. Bu evlərin əksəriyyəti 2018-ci ilin may ayında ABŞ-ın nüvə razılaşmasından çıxmasında sonra alınıb.

İranlıların ev almaq üçün Türkiyədə nə qədər sərmayə yatırması məlum olmasa da, amma rəsmi Ankara ötən il bu ölkədə mənzil alanlara vətəndaşlıq verilməsi prosesini sadələşdirdiyindən, bu rəqəmi təxmin etmək olar. Belə ki, Türkiyə əvvəllər bu ölkənin əmlak bazarında ən azı 1 milyon dollar investisiya qoyan xaricilərə vətəndaşlıq verirdisə, 2018-ci ilin yayından bu rəqəm 250 min dollara endirilib.

Mülk alınması hallarının çoxalmasına baxmayaraq, 2017-ci il ilə nisbətdə 2018-ci ildə İrandan Türkiyəyə gedən turistlərin sayı 18 faiz azalaraq, 1 milyon 900 min nəfərə düşüb.

İran ilə Türkiyə arasında ticari əlaqələrdə də kəskin azalma müşahidə olunub. Rəsmi statistikaya əsasən, 2018-ci ildə Türkiyə İrana 2.4 milyard dollarlıq məhsul ixrac edib. Bu isə 2017-ci il ilə müqayisədə 26 faiz azalma deməkdir.

Türkiyənin 2018-ci ildə İrandan neft və qaz da daxil olmaqla, 6 milyard 931 milyon dollar civarında etdiyi idxalat 2017- ci il ilə müqayisədə 7.5 faiz azalma göstərir.