vaxtlı-vaxtında oxuyun! Şənbə, 20 iyul 2019
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Əbülfəz Elçibəy (1938 - 2000)

«Dil uğrunda mübarizə millətin son - ölməmək mübarizəsidir»

Əbülfəz Elçibəy (1938 - 2000)
BÖHRAN  
13:08 | 2 iyul 2019 | Çərşənbə axşamı Məqaləyə 749 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Onlar odla oynayırlar”

Tramp: “İrana artıq heç bir mesajım yoxdur”

MÖVZU İLƏ ƏLAQƏLİ

ABŞ prezidenti Donald Tramp iyulun 1-də Ağ Evdə jurnalistlərə verdiyi qısa açıqlamasında İranın nüvə sazişini pozaraq zənginləşdirilmiş uran ehtiyatlarını artırmasına münasibət bildirib.

Tramp, jurnalistlərdən birinin məsələ ilə bağlı ona verdiyi “İrana hansısa bir mesajınız varmı” sualını cavablandıraraq deyib ki, İran nüvə sazişi əsasında onun zənginləşdirilmiş uran ehtiyatına qoyulan limiti keçib: “Onlar (iranlılar) hazırda nə işlə məşğul olduqlarını yaxşı bilirlər. Daha doğrusu, onlar nə ilə oynadıqlarını bilirlər. Onlar odla oynayırlar. Elə buna görə də, mənim İrana artıq heç bir mesajım yoxdur”,  – deyə prezident Donald Tramp əlavə edib.

Həmin gün İsrailin baş naziri bəyanat yayaraq, İranı nüvə sazişini açıq şəkildə pozmaqda günahlandırıb. O deyib ki, Tel-Əviv Tehranın nüvə silahına yiyələnməsinə imkan verməyəcək: “Bu gün İran sazişlə bağlı üzərinə götürdüyü öhdəliyi pozduğunu, zənginləşdirilmiş uran ehtiyatına qoyulan limiti (300 kiloqram) keçdiyini bildirib. Bununla da, İran nüvə silahlarının istehsalına doğru mühüm bir addım atmaqdadır. Mən isə bir daha bildirirəm ki, İsrail İranın nüvə silahına yiyələnməsinə imkan verməyəcək”, – deyə Benyamin Netanyahu vurğulayıb.

Xatırladaq ki, Beynəlxalq Atom Enerjisi Agentliyi iyulun 1-də İranın uran istehsalına qoyulan limiti keçməsindən xəbər verib: “Lakin bizdə olan məlumatlara əsasən, İranın zənginləşdirilmiş uran ehtiyatı artıq 300 kiloqramı keçib”, – deyə agentlik bildirib. “Reuters” agentliyi isə Beynəlxalq Atom Enerjisi Agentliyinin bir sözçüsünə istinadən yaydığı xəbərdə bildirib ki, Yukio Amano İranın zənginləşdirilmiş uran ehtiyatına qoyulan limiti keçməsi barədə qurumun idarə heyətinə məlumat verib.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *