“Kreml açıq şantaja keçib”
Rusiya Türkiyənin vasitəçilik etdiyi taxıl razılaşmasından çıxdı
MÖVZU İLƏ ƏLAQƏLİ
-
Rusiyanın şah damarına zərbə
Heç kimə qulaq asmayan Ukrayna Novorossiysk limanını vurub
-
Rusiya torpaqlarına ABŞ raketləri
Ukrayna Bayden administrasiyasından kəşfiyyat məlumatları və silahlardan istifadə izni istəyib
-
“Aşağı orbitdəkilər məhv ola bilər”
“Rusiya nüvə silahının sınaqdan keçirilməsi üçün kosmosa peyk göndərdi”
-
Diplomatik kriz
“Deportasiyalar İki ölkə münasibətlərinə düzəldilməz ziyan vuracaq”
-
Vyetnam müharibəsi taktikası
“Pilotlar çox təhlükəli missiyalara göndərilir”
-
“Öz ərazilərini vururlar”
Hədəfdən böyük ölçüdə yayınmalar bombalanmanın uğrursuzluğunu göstərir
-
“Hücum şimaldan olacaq”
“III Dünya müharibəsinə 4 milyondan çox hərbçi qatılacaq!”
-
500 min əsgərlə hücum
Ukrayna yarım milyonluq gücü 40 min nəfərlik ordu və PUA-larla qarşılayacaq
-
“Müharibəni qazanmadan NATO-ya girə bilmərik”
“Ukrayna ordusu ABŞ istehsalı olan “F-16”ların bu ay gələcəyini gözləyir”
-
Sağ qalmaq üçün böyük düşünmək lazımdır
Regionda Fransanın təsir dairəsində olan ölkələr məğlubiyyətə məhkumdur
-
Qarğa səsli “bülbül”
Rusiya mediası Ermənistan-Azərbaycan yaxınlaşmasına qərəzlidir
-
“Türkiyənin Rusiyadan başqa prioritetləri var”
ABŞ mediası: “NATO mümkün müharibəyə hazırlaşarkən daxili problemlərlə mübarizə aparır”
-
Ukrayna cəbhəsində kritik ay
Putin andiçmə mərasiminə və Qələbə gününə hədiyyə kimi Çasov-Yar təpələrini istəyir
-
Rusiyanı gözləyən təhlükə
Ukraynadan qayıdan əsgərlər tərəfindən törədilən qətllərin sayı 9 dəfə artıb
-
Türkiyənin namizədi bəlli oldu
NATO Stoltenberqin varisini müəyyən etməyə tələsir
-
Makron NATO-ya inanmır?
Fransa prezidenti yenə “ortaq Avropa müdafiəsi”ndən dəm vurur
Türkiyənin vasitəçiliyi ilə bu il iyulun 22-də İstanbulda taxıl və digər kənd təsərrüfatı məhsullarının ixracı üçün Ukraynanın Odessa, Çernomorsk və Yujnı limanlarının blokunun açılmasına dair saziş imzalanıb. Sənəd qüvvədə olma müddətinin uzadılması imkanı ilə Ukrayna taxılının ixracını nəzərdə tuturdu.
Ukrayna ərzağı olan ilk gəmi avqustun 1-də Odessadan yola düşdü. Nəticədə Qara dənizdə Ukraynanın taxıl ixracına Rusiya mane olmadı.
Bu arada Rusiyanın Ukrayna ilə bağlı taxıl razılaşmasından çıxdığı deyilir. Məsələ ondadır ki, oktyabrın 29-da Rusiya Krımda Rusiya Federasiyasının Qara Dəniz Donanmasının gəmilərinə qarşı hansısa terror aktı törətdiyinə görə taxıl təşəbbüsü sazişlərinin həyata keçirilməsində iştirakını dayandırdığını elan edib. Rusiyanın bu addımı ABŞ və Avropa İttifaqı tərəfindən kəskin pislənilib.
Maraqlıdır, Rusiyanın bu addımları nədir? Şantaj, yoxsa digər bir şey?
“Məsələnin digər tərəfi onunla bağlıdır ki, Rusiya Ukrayna taxılı yerinə öz məhsulunu satmaq istəyir”
Sözügedən məsələyə aydınlıq gətirən siyasi ekspert Elşad Həsənov buna bir neçə aspektdən yanaşdı: “Bunun səbəbini Rusiya onunla əlaqələndirir ki, Ukrayna PUA-ları oktyabrın 29-da Qara dənizdə Rusiyanın 3 hərbi gəmisinə zərbələr endirib. Bu, Rusiya hərbi donanması üçün böyük zərbə idi. Çünki Rusiyanın hava hücumundan müdafiə qüvvələri hücumun qarşısını ala bilmədilər. Bəzi məlumatlara görə, Rusiya hərbi gəmilərinə müasir sualtı torpedolarla zərbələr endirilib. Buna cavab olaraq Rusiya prezidenti Vladimir Putin Qara dəniz vasitəsilə Ukrayna taxılının daşımasının dayandırıldığını bildirdi. Nəzərə almaq lazımdır ki, məlum anlaşma imzalanandan sonra böyük həcmdə Ukrayna taxılı dünya bazarına çıxarıldı. Əsasən də Afrika ölkələrinə aparıldı. Türkiyə Müdafiə Nazirliyinin yaydığı məlumata görə, indiyə qədər dəhliz vasitəsilə 9,3 milyon ton taxıl daşınıb. Ancaq bir məqamı nəzərə almaq lazımdır ki, Rusiyanın məlum addımı taxılın daşınmasının birdəfəlik dayandırılması demək deyil. Çünki tərəflər arasında danışıqlar gedir. Ola bilsin ki, taxılın daşınmasına Rusiya yenidən icazə versin. Rusiya tərəfi də bəyan edib ki, bununla bağlı BMT və Türkiyə ilə dialoq davam etdiriləcək. Oktyabrın 31-də BMT və Türkiyə nümayəndələri 40 Ukrayna gəmisinin yoxlamasını həyata keçirəcək. Eyni zamanda, Ukrayna, Türkiyə və BMT-nin nümayəndəliyi Qara dənizdə 14 gəminin hərəkət planı haqda Rusiya tərəfini məlumatlandırıb. Bütün bunlar onu göstərir ki, Kreml açıq şantajla məşğuldur. Yəni Rusiya ordusu Ukraynanın infrastrukturunu məhv edir, elektrik stansiyalarını raketlə vurur. Ukrayna Rusiya hərbi gəmilərini hədəf alanda isə, Kreml bundan şantaj məqsədilə istifadə edir. Bu isə müharibə qaydalarına görə qəbuledilməzdir. Məsələnin digər tərəfi onunla bağlıdır ki, Rusiya Ukrayna taxılı yerinə öz məhsulunu satmaq istəyir. Rusiya Kənd Təsərrüfatı Nazirliyi bəyan edib ki, bu il ölkədə 150 milyon ton taxıl tədarük olunub. Bunun 50 milyon tonunu ixrac etmək istəyirlər. Rusiyanın yenidən Ukrayna taxılına məhdudiyyət qoyması bu amillə də bağlı ola bilər”.
Bir sözlə, ekspert hesab edir ki, Ukrayna taxılının daşınmasının yenidən bərpa olunması istisna olunmur.