Rusiyada iş istəyənlər hazırlaşın!
2017-ci ildə azərbaycanlıların şimala axını sürətlənəcək
Gülşən RAUFQIZI
MÖVZU İLƏ ƏLAQƏLİ
-
Sağ qalmaq üçün böyük düşünmək lazımdır
Regionda Fransanın təsir dairəsində olan ölkələr məğlubiyyətə məhkumdur
-
Qarğa səsli “bülbül”
Rusiya mediası Ermənistan-Azərbaycan yaxınlaşmasına qərəzlidir
-
“Türkiyənin Rusiyadan başqa prioritetləri var”
ABŞ mediası: “NATO mümkün müharibəyə hazırlaşarkən daxili problemlərlə mübarizə aparır”
-
Ukrayna cəbhəsində kritik ay
Putin andiçmə mərasiminə və Qələbə gününə hədiyyə kimi Çasov-Yar təpələrini istəyir
-
Rusiyanı gözləyən təhlükə
Ukraynadan qayıdan əsgərlər tərəfindən törədilən qətllərin sayı 9 dəfə artıb
-
Türkiyənin namizədi bəlli oldu
NATO Stoltenberqin varisini müəyyən etməyə tələsir
-
Makron NATO-ya inanmır?
Fransa prezidenti yenə “ortaq Avropa müdafiəsi”ndən dəm vurur
-
Baltikyanı ölkələrdə panika
“Zirzəmiləri sığınacaqlara çevirin”
-
Rusiya BMT sanksiyalarını pozub
Ukraynada Şimali Koreyaya məxsus raketin qalıqları tapılıb
-
“Yenilməz batareya” məhv oldu
Ukrayna ordusu Krımdakı “S-400”lərin birini vurub
-
“Özünü müdafiə hüququ çərçivəsindədir”
NATO Ukraynanın Rusiya ərazisini bombalamağa yaşıl işıq yandırıb
-
95 milyard dollarlıq yardım
ABŞ Ukrayna, İsrail və Tayvana fantastik məbləğ ayırdı
-
“NATO həmişəkindən daha güclüdür”
“Ukrayna müharibəsi təhlükəsizliyin regional deyil, qlobal olduğunu göstərdi”
-
Ukraynada çağırış yaşı aşağı salındı
Zelenski uzun müddətdir yubatdığı qanunu imzaladı
-
“Kerç partlayacaq”
Ukrayna müharibədə bütün balanslar dəyişməyə qərarlıdır
-
“Rusiya gələcəyini Pekinə girov qoyub”
Yens Stoltenberq: “Ukraynanın yeganə dəstəkçisi ABŞ deyil”
2014-cü ilin sonu 2015-ci ilin əvvəllərindən etibarən dünyanı cənginə alan iqtisadi çətinliklər Azərbaycandan da yan keçmədi. Qonşu Rusiyada rublun sürətlə dəyərdən düşməsi də ölkəmizdəki proseslərə birbaşa olmasa da, dolayı yolla təsir etdi. Rusiyada çox sayda azərbaycanlı iş yerlərini itirərək, vətənə qayıtmaq məcburiyyətində qaldı. İqtisadçı Natiq Cəfərli də Modern.az-a açıqlamasında məhz bu məsələnin üzərində dayandı.
Rusiyadan qayıdanlar hesabına regionlarda işsizlərin sayı artıb
İqtisadçı deyir ki, 2014-cü ildən başlayan proses – Rusiyadan Azərbaycana göndərilən vəsaitlərin azalması ötən il də davam edib: «Rusiya tərəfindən açıqlanan rəsmi rəqəmlər də bunu sübut etdi. Rəsmi kanallarla pul köçürmələrdə 2014-cü ilə nisbətən 8 dəfəyədək azalmalar oldu. Bu da Azərbaycanda yaşayan ailələrə mənfi təsir göstərdi. Çünki onların sosial şəraitinin yaxşı olmasında, dolanışıqlarında həmin vəsait ciddi rol oynayırdı.
İkinci bir proses kimi Rusiyada iqtisadi çətinliklərdən dolayı bəzi azərbaycanlıların geri dönməsini qeyd etmək lazımdır. Əsasən də regionlarda bu prosesin şahidi olduq. Bir çox azərbaycanlılar Rusiyada itirdikləri işin əvəzini tapa bilmədikləri üçün geri dönməyə məcbur oldular. Bu da Azərbaycanda işsizlərin sayının artmasına səbəb oldu. Yəni Rusiyanın Azərbaycan iqtisadiyyatına birbaşa təsirləri yüksəkdir və bu gün də yüksək olaraq qalır. Orada baş verən proseslər bizdə həmən öz təsirini göstərir».
Rusiyadan Azərbaycana daxil olan vəsait 7 dəfə azalıb
N.Cəfərli qonşu ölkədən Azərbaycana daxil olan vəsaitin məbləği ilə bağlı aşağıdakı müqayisələri aparıb: «Təəssüf ki, bizdə Rusiyadan daxil olan vəsaitin məbləğilə bağlı rəsmi açıqlamalar yoxdur. Rusiyadan verilən açıqlamalarda bildirilir ki, Azərbaycana göndərilən vəsait 2014-cü illə müqayisədə ümumilikdə 7 dəfədən çox azalıb. 2013-2014-cü illərdə 4 milyard dollara yaxın vəsait daxil olurdusa, hazırda bu rəqəm təqribən 350-400 milyona qədər azalıb.
Nəzərə almaq lazımdır ki, Rusiyadan Azərbaycana qeyri-rəsmi kanallarla-cibdən-cibə, qohum-tanışla da pul göndərilir. Bunları da ümumiləşdirsək, deyə bilərik ki, Rusiyadan gələn vəsait xeyli dərəcədə azalaraq, il ərzində 400-500 milyondan çox olmayıb. Bu isə ötən illərlə müqayisədə kifayət qədər kiçilmiş bir rəqəmdir».
Rusiyada iş istəyən azərbaycanlılar hazırlaşsın...
Ekspertin proqnozlarına görə, bu il Azərbaycandan Rusiyaya gedənlərin sayında artım olacağı gözlənilir:
«Rusiya Azərbaycana nisbətən böhrandan daha dayanıqlı çıxdı. Yəni əvvəlki illə müqayisədə rubl ucuzlaşmadı, əksinə, möhkəmlənən valyutalar sırasında yer aldı. Hazırda Rusiya üzərindən iqtisadi sanksiyaların götürülmə ehtimalı böyükdür. Çünki bununla bağlı həm Amerika, həm də Avropa ilə danışıqlar gedir. Düşünürəm ki, bu iki faktoru nəzərə alanda, Rusiyada iqtisadi vəziyyət 2017-ci ildə yaxşılığa doğru dəyişəcək. Bu dəyişməni isə azərbaycanlılar həmən hiss edəcək. Ola bilər ki, hətta 2017-ci ildə Azərbaycandan Rusiyaya gedənlərin sayında artım olsun. Çünki Rusiyanın iqtisadiyyatı bizim ölkə ilə müqayisədə daha yaxşı durumdadır. Bu baxımdan azərbaycanlıların yenidən Rusiyaya qayıtması prosesi sürətlənə bilər».