17:07 | 18 noyabr 2013 | Bazar ertəsi
Məqaləyə 2944 dəfə baxılıb
Şriftin ölçüsü
Əliyevdən Yanukoviçə jest
Ukraynanın TANAP-a yolunu açmaqla Azərbaycan prezidenti dost ölkənin enerji təhlükəsizliyinə qarant verdi
Virtualaz.org
MÖVZU İLƏ ƏLAQƏLİ
-
“Yenilməz batareya” məhv oldu
Ukrayna ordusu Krımdakı “S-400”lərin birini vurub
-
“Özünü müdafiə hüququ çərçivəsindədir”
NATO Ukraynanın Rusiya ərazisini bombalamağa yaşıl işıq yandırıb
-
95 milyard dollarlıq yardım
ABŞ Ukrayna, İsrail və Tayvana fantastik məbləğ ayırdı
-
“NATO həmişəkindən daha güclüdür”
“Ukrayna müharibəsi təhlükəsizliyin regional deyil, qlobal olduğunu göstərdi”
-
Ukraynada çağırış yaşı aşağı salındı
Zelenski uzun müddətdir yubatdığı qanunu imzaladı
-
“Kerç partlayacaq”
Ukrayna müharibədə bütün balanslar dəyişməyə qərarlıdır
-
“Rusiya gələcəyini Pekinə girov qoyub”
Yens Stoltenberq: “Ukraynanın yeganə dəstəkçisi ABŞ deyil”
-
Tanekoya PUA zərbələri
Ukrayna Rusiyanın əsas neft emalı zavodunu vurdu
-
150 minlik ordu
Rusiyada növbəti səfərbərlik üçün yaş həddi artırıldı
-
“Cəbhədə ehtiyaclar daim dəyişir”
Ukrayna PUA istehsalına hazırlaşır
-
Ölkə sazişlə qorunmur
Ukraynaya təhlükəsizlik təminatı verə bilməyən Qərb Ermənistana vəd verir
-
Ukraynaya 1,5 tonluq bomba atıldı
SSRİ zamanı istehsal Termobarik raket döyüşdə ilk dəfə istifadə olunur
-
Prezidentin BƏƏ-nə səfəri
BMT TŞ-da dəstək, Makron-Paşinyan cütlüyünə cavab, İran əleyhinə...
-
Putinin “inanclı atəşkəsi”
Aysberqin görünməyən tərəfi
-
Qərbi Azərbaycanda dəyişdirilən türk mənşəli toponimlər
Vaxt gələcək, tarixi yer-yurd adlarımız bərpa olunacaq...
-
Bir milad yazışması
Ukrayna xalqı ən müqəddəs bayramını ruslarla bir gündə qeyd etmək istəmir
Azərbaycan prezidentinin Ukraynaya səfəri zamanı iki ölkə arasında enerji tərəfdaşlığına dair mühüm anlaşma əldə olunub. Virtualaz.org saytı Ukrayna qaynaqlarına istinadən xəbər verir ki, tərəflər Ukraynanın TANAP qaz kəməri layihəsinə qoşulması üçün işçi qrupu yaradıblar. Bu barədə Ukraynanın energetika və kömür sənayesi naziri Eduard Stavitski bildirib.
“Ukraynanın TANAP-da iştirakı nəzərdə tutulur. Bu qaz kəməri Gürcüstan və Türkiyədən keçməklə Avropaya çıxacaq. Biz Ukraynanın bu layihədə həm investor kimi iştirakını təklif etmişik, həm də Ukrayna şirkətlərinin kəmərin çəkilməsi üçün boru istehsalçısı ola biləcəyini bildirmişik. Həmçinin təklif etmişik ki, kəmərdən bir qol ayrılıb Qərbi Ukraynaya istiqamət alsın” - deyə nazir bildirib.
E.Stavitski deyib ki, layihənin texniki-iqtisadi əsaslandırmasını işləyib hazırlamaq üçün işçi qrupu yaradılıb.
Qeyd edək ki, Ukraynanın Transanadolu qaz kəməri layihəsinə qoşulmaq istəyi məlum idi. Lakin bu vaxta qədər nə Azərbaycan, nə də Türkiyə rəhbərliyi Ukraynanın TANAP xahişlərinə müsbət cavab verməmişdi.
Ukrayna mətbuatı yazmışdı ki, prezident Viktor Yanukoviç Azərbaycan prezidenti İlham Əliyevdən TANAP barədə xahiş edəndə o məsələnin Türkiyənin baş naziri Rəcəb Tayyib Ərdoğandan asılı olduğunu. Ərdoğandan xahiş edəndə isə məsələnin İlham Əliyevdən asılı olduğunu bildirir.
Lakin indi Azərbaycan prezidentinin Kiyevə səfəri zamanı Ukraynanın Rusiyadan enerji asılılığından xilas olmasına yönəlmiş istəyi ilkin olaraq dəstək tapıb. Tərəflər Ukraynanın layihədə iştirakını işləyib hazırlamaq üçün işçi qrupu yaradıblar.
“Ukrayna və Azərbaycanın enerji sahəsində qarşılıqlı əməkdaşlığı prioritet istiqamətlərdən biridir”.
Bu sözləri Ukrayna prezidenti Viktor Yanukoviç Ukrayna-Azərbaycan ikitərəfli danışıqlarının yekunları ilə bağlı mediaya açıqlamasında deyib. O bildirib ki, Ukrayna enerji növlərinin etibarlı tranzit ölkəsi, Azərbaycan isə etibarlı təchizatçısıdır: “Bizim ölkələrimiz karbohidrogen ehtiyatlarının Avropa istiqamətində nəqli məsələlərində birgə səylər üçün hər cür imkana malikdir”.
V.Yanukoviçin fikrincə, bu və digər məsələlərdə əməkdaşlıq iki dövlətin Xəzər-Qara dəniz regionunda mövqelərini gücləndirəcək.
Azərbaycan prezidenti İlham Əliyev isə bəyan edib ki, bu gün yanacaq-energetika kompleksində iki ölkənin fəal əməkdaşlığı üçün çox istiqamət var: “Azərbaycan enerji ehtiyatlarının istehsalçısı, Ukrayna isə istehlakçı və tranzit ölkə kimi bir çox dövlətin enerji təhlükəsizliyinin təmin olunmasında vacib rol oynayır. Enerji sahəsi də daxil olmaqla, Xəzər-Qara dəniz regionunda əməkdaşlıq bizim birgə fəaliyyətimizin nəticəsidir”.
