...İranda prezidentliyə ən real namizəd Rəisi kimdir?
4482 inqilabçının güllələnməsində birbaşa əli olan, Əli Xomneyinin ən yaxın adamı...
Vüqar İSMAYILOV
MÖVZU İLƏ ƏLAQƏLİ
-
Milyarderin edam hökmü ləğv edilib
Babək Zəncaninin əfv fərmanını Xamenei təsdiqləyib
-
Təcavüz etdikdən sonra öldürüblər
Meyiti 9 gün sonra morqda tapılan qızın dəhşətli sonu
-
Tehran Əsədi məcbur edir
Qonşu ölkələr tərəfindən rədd edilən rejim “qardaş”ının tələbinə boyun əyir
-
İranda timsah həyəcanı
Sel nəticəsində 8 nəfərin ölümü təsdiqlənib
-
“Haşdi Şabi”ni kim vurub?
Partlayış səsləri bu dəfə İraqdan gəldi
-
Tehran-İsfahan-Məşhəd arasında “gəzinti”
Zahidinin ölümündən əvvəlki səyahət marşrutu suallar yaradıb
-
Vaşinqton və “boz ərazi”
Bayden administrasiyasının heç vaxt dəqiq strategiyası olmayıb
-
İki general öldürüldü
İsrail İranın Dəməşqdəki konsulluğunu vurdu, Tehranda nümayişlər
-
İsrailin Hələbə hücumu
Onlarla rejim və Hizbullah yaraqlısı öldürülüb
-
Bizimlə dirəşən o birilərlə barışır
İran ətrafında halqa daralıb, sanksiyalar sərtləşib
-
İran elitasında parçalanma?
Uğurlu inqilab üçün əsas amil
-
Xalqa qarşı 9500 “Hizbullah”çı ...
Molla rejimi etirazçılara qarşı Yəmən, İraq və Əfqanıstandan terrorçular gətirir?
-
Mollaları silkələyən şüarlar...
“Biz hamımız Mohsen Şəkəriyik!”
-
İran odla oynayır ...
... yaxud bir Abbasılıq qiyməti olmayan yalan
-
İranı qarışdıracaq daha bir qətl
Sünni dini lideri qaçırdılar və üç güllə vurdular
-
HHM qarşılığında PUA
Rusiya və İran tam hüquqlu tərəfdaşa çevrilir
İranda mayın 19-da prezident seçkiləri keçiriləcək. Ekspertlər əsas mübarizənin hazırkı dövlət başçısı Həsən Ruhani və mühafizəkar qanadı təmsil edən İbrahim Rəisi arasında gedəcəyini proqnozlaşdırırlar. Modern.az İbrahim Rəisi haqqında məlumatı təqdim edir.
İbrahim Rəisi 1960-cı il dekabrın 14-də Məşhədin Noqan məhəlləsində anadan olub. 5 yaşı olarkən atası Seyid Hacını itirən Rəisi uşaqlığını çətin şəraitdə keçirir. O, 15 yaşı olarkən Qum seminariyasına daxil olur. Rəisinin rəsmi tərcümeyi-halında onun beynəlxalq hüquq üzrə alimlik dərəcəsinin olduğu və Şəhid Morati Universitetində hüquq elmləri üzrə fəlsəfə doktoru fəxri adını müdafiə etdiyi bildirilib.
1981-ci ildə Kərac şəhərinin prokuroru, sonradan Həmadan ostanının prokuroru olub. Paralel olaraq, onun universitet müəllimliyi də edib. 1985-ci ildə isə Tehran Baş prokurorunun köməkçisi təyin olunub. Rəisinin karyera yüksəlişi 3 il sonra ayətullah Ruhulla Xomeyninin diqqətini cəlb edir. İbrahim Rəisi xüsusi hüquq status alıb (məhkəmə təqibindən azad) və Loristan, Səman və Kirmanşah bölgələrinin prokuroru olub.
Qeyd olunmalıdır ki, 1988-ci ilin iyulunda İranda solçu siyasi güclərə, o cümlədən İran Kommunist Partiyasının üzvlərinə qarşı repressiyalar təşkil olunur və həbsxanada saxlanılan 4482 məhbus 5 ay ərzində güllələnir. Buna etiraz edən ayətullah Hüseyn Əli Müntəziri həmin aksiyanın əsas təşkilatçıları olaraq 5 nəfərin, o cümlədən Rəisinin adını çəkir.
Rəisi Seyid Əli Xameneyi tərəfindən 1989-cu ildə Tehranın prokuroru təyin olunub. 1994-cü ildə vəzifəsini Məhəmməd Yezdiyə təhvil verən Rəisi 1994-2004-cü illər ərzində Ümumi Nəzarət Şurasının başçısı olub. Bundan sonra Ali Məhkəmə sədrinini müavini kimi 10 il fəaliyyət göstərən ayətullah 2014-2016-cı illərdə Baş prokuror səlahiyyətlərini icra edib.
İlk dəfə 2017-ci ilin fevralında Rəisinin prezidentliyə namizədliyi irəli sürülüb. Bu haqda təklifi «İslam İnqilabının Xalq Cəbhəsi» təşkilatı irəli sürmüşdü.
2017-ci il aprelin 14-də isə İbrahim Rəisi rəsmən prezidentliyə namizəd kimi qeydiyyatdan keçib. O, mühafizəkarların əsas namizədi sayılır və ölkənin ali dini lideri ayətullah Əli Xameneyi tərəfindən tam dəstəklənir.
İbrahim Rəisinin şəxsi həyatına gəlincə, o, Məşhədin ən nüfuzlu din xadimlərindən sayılan ayətullah Əhməd Ələmolhodanın qızı Cəmilə ilə evlidir. Cəmilə Alamolhoda Tehranın Şəhid Behəştu Uinversitetinin professorudur. Onların 2 qız övladı var.