Klassik casusluq taktikası
Ekspertlərin ABŞ-da Çinə işləməkdə ittiham olunan keçmiş məsləhətçinin hərəkətlərinə qiymət verib
CAVİD
MÖVZU İLƏ ƏLAQƏLİ
-
ABŞ-dan İrana yeni sanksiyalar
SEPAH üzvləri və həbsxana rəsmilərinin olduğu 12 nəfərlik siyahı
-
“Nüvə fəlakəti qapının astanasındayıq”
“Kubadakı raket böhranından bəri göründüyündən daha böyük risklə üz-üzəyik”
-
... 9 ABŞ şirkətinə sanksiya
Tayvana silah satışına görə...
-
Pentaqon qoşun göndərdi
Arktikada ABŞ-Rusiya rəqabəti güclənir
-
PUA-larda süni intellekt
Alyans kvant texnologiyasına üstünlük verib
-
Şübhəli zərf həyəcanı
17 ştata içərisində şübhəli maddə olan məktublar göndərilib
-
30 nəfər ölüb
Mafiya müharibələrində ölkə qan gölünə çevrildi
-
Məşhurlardan Kuba çağırışı
Bir çox keçmiş dövlət başçıları və tanınmış simalar Bayden məktub yazıb
-
20 ildir ailəsini görmürdü
Çin 2006-cı ildən həbsdə olan amerikalı keşişi azad edib
-
Kreml nüvə silahına əl atarsa, ...
Biz taktiki nüvə silahları haqqında nə bilirik, Rusiya bunlardan istifadə edirmi?
-
Rusiya-ABŞ-Qərb tənliyi dağılmaq ərəfəsindədir
Münaqişə və məqsədlər artıq taktiki deyil, status və hətta mövcudluqla bağlıdır
-
“Reklam müharibəsi”
Tramp və Harris kampaniyalarının məbləğinin 10 milyardı keçəcəyi gözlənilir
-
Rusiyadan Qərbə “səbir tükənir” xəbərdarlığı
London isə Putini zorakılıqda ittiham edir
-
Trampın ətrafında silah səsləri
Bu dəfə ABŞ-ın keçmiş prezidentinin qolf oynadığı klubun yaxınlığından gəlib
-
“Fransa III Dünya müharibəsindən qorxur”
Rusiyanın nüvə silahını işə sala biləcəyini vurğulayan açıqlamaları Qərbdə narahatlıq yaradıb
-
“Həsiri basma, dolan gəl”
Bayden Britaniya və Fransa raketlərinin ABŞ texnologiyası ilə istifadəsini dəstəkləyir, amma ...
Mütəxəssislər Çinə işləməkdə ittiham olunan Nyu-York qubernatoru Keti Hoçulun keçmiş müşaviri Linda Sunun hərəkətlərini Çinin “klassik casus taktikası” kimi qiymətləndiriblər.
“NBC News”a danışan ekspertlər ABŞ Ədliyyə Nazirliyinin Çin hökuməti və Çin Kommunist Partiyasının məxfi agenti kimi fəaliyyət göstərməkdə günahlandırılan Sun haqqında sentyabrın 3-də dərc etdiyi 64 səhifəlik ittihamnaməni dəyərləndiriblər.
ABŞ Mərkəzi Kəşfiyyat İdarəsinin (MKİ) keçmiş yüksək vəzifəli məmuru Dennis Uaylder “NBC News” televiziyasına deyib ki, Suna qarşı açılan işi Çin tərəfindən həyata keçirilən kəşfiyyat taktikasının “tipik” nümunəsi kimi görür.
Sunun hərəkətlərini Çinin “klassik casus taktikası” olaraq xarakterizə edən Uaylder, bu hərəkətlər üçün Çinlə mühüm əlaqələri olan, Amerika vətəndaşlığı olan, Çin dilində danışan və Çində ailəsi olan şəxslərin seçilməsini ölkənin klassik kəşfiyyat metodu olduğunu bildirib.
Uaylder, həmçinin Nyu-York qubernatoru Hoçul üçün işləyən bir şəxsin “Çin üçün faydalı olacağını” vurğulayıb. Çünki o, Tayvan hökumətinin Nyu-York əyalətinin yüksək səviyyəli rəsmilərinə girişini əngəlləyəcək.
Bundan əlavə, ABŞ-da yerləşən Demokratiyaları Müdafiə Fondunun (FDD) Çin üzrə baş eksperti Kryaq Sinqleton, Sun hadisəsinin Çinin ABŞ-ın siyasi qərarlarına müdaxilə etmək üçün “gizli aktorlardan” necə istifadə etdiyinə bir nümunə olduğunu təklif edib.
Sinqleton bildirib ki, Suna qarşı ittihamlar Çinin siyasi dairələrin etibarından sui-istifadə edərək ABŞ administrasiyasının bütün səviyyələrinə nüfuz etmək və təsir etmək strategiyasını ortaya qoyur.
***
Ədliyyə Nazirliyinin sentyabrın 3-də dərc etdiyi ittihamnamədə keçmiş məsləhətçinin Çinə məlumat sızdırdığı qeyd edilib.
Sunun ABŞ hökumətindəki yüksək rütbəli vəzifəsindən sui-istifadə etdiyini iddia edən iddianaməyə görə, keçmiş müşavir, 2020-ci ildə, COVİD-19 pandemiyasının yeni yayılmağa başladığı bir vaxtda, Çin rəsmisini asiyalı amerikalılara qarşı nifrət cinayətlərinin müzakirə olunduğu onu dar çərçivədə onlayn keçirilən görüşə daxil edib.
İddianamədə Sunun sözügedən Çin rəsmisinə görüş zamanı telefonun mikrofonunu söndürməsi ilə bağlı dəfələrlə xəbərdarlıq etdiyi qeyd edilib.
Keçmiş müşavir və əri Kris Hunun Çin hökumətinin gündəmini gizli şəkildə dəstəkləmək müqabilində balet və konsertlər kimi tədbirlərə bilet və ya səyahət yardımı kimi bir çox imtiyazlar aldığı da bildirilib.
Həmçinin Sun və həyat yoldaşının Nyu-York və Havayda təxminən 5,5 milyon dollar dəyərində iki daşınmaz əmlak və 2024 model “Ferrari” almaq üçün çirkli pulların yuyulması ilə də məşğul olduğu iddia edilib.
***
Sun, Çin Xalq Respublikasının və Çin Kommunist Partiyasının məxfi agenti kimi fəaliyyət göstərməkdə, onların tələbi ilə siyasi fəaliyyətlə məşğul olmaqda, məsələn, “Tayvan hökumətinin nümayəndələrinin Nyu-York ştatının yüksək vəzifəli şəxsləri ilə görüşməsinə icazə verməməkdə” və “Çin hökumətinin siyasətini gizli şəkildə təbliğ etməkdə” günahlandırlır.
Sunun Çindən gələn rəsmi nümayəndə heyətləri üçün Nyu-York hökumət rəsmiləri ilə görüşlər təşkil etməyə çalışdığı iddia edilib.
Sunun əri Kris Hunun da mütəşəkkil cinayətlər, çirkli pulların yuyulması, bank fırıldaqçılığı və şəxsiyyət məlumatlarından sui-istifadə ittihamları ilə mühakimə olunacağı bildirilib.
Sun və əri Hu sentyabrın 3-də ABŞ Federal Təhqiqat Bürosu (FTB) tərəfindən Lonq Aylenddəki evlərində saxlanılıb.
Dünən məhkəmə ittihamları qəbul etməyən cütlüyün ümumi girov məbləğinin 2 milyon dollar olacağına qərar verib.
Səyahət hüquqları məhdudlaşdırılan cütlüyün növbəti məhkəmə iclası sentyabrın 25-nə təyin edilib.