vaxtlı-vaxtında oxuyun! Bazar ertəsi, 20 noyabr 2017
ABŞ dolları 1 USD = 1.7002 AZN
Avro 1 EUR = 2.0070 AZN
Rusiya rublu 1 RUB = 0.0285 AZN
İngilis funt sterlinqi 1 GBP = 2.2488 AZN
Türk lirəsi 1 TRY = 0.4410 AZN
Səttar Xan (1866 - 1914)

«Türk milləti böyük bir daşa bənzər, çox gec qızar və gec də soyuyar»

Səttar Xan (1866 - 1914)
AVROPA  
12:49 | 27 iyun 2017 | Çərşənbə axşamı Məqaləyə 536 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Makron və Şvartsenegger Trampa qarşı birləşib?

Fransa hökuməti yeni neft və qaz yataqlarını öz şirkətləri üçün qadağan edir

MÖVZU İLƏ ƏLAQƏLİ

«The İndependent» yazır ki, Fransa yeni neft və qaz yataqlarının kəşfiyyat və inkişaf etdirilməsinə lisenziya verilməsini dayandırır.

Başqa sözlərlə Emanule Makronun (Emmanuel Macron) ətraf mühitə ziyansız enerji sahələrinin inkişaf etdirilməsinə kurs götürmüş hökuməti yeni neft və qaz yataqlarını öz şirkətləri üçün qadağan edir.

«Ekoloji keçid» naziri Nikolas Hulot (Nicolas Hulot) deyib ki, bu barədə yeni qanun payızda qəbul ediləcək.

«Karbohidrogenlərin kəşfiyyatı üçün bundan sonra lisenziyalar verilməyəcək», - nazir BFMTV kanalına açıqlamasında deyib.

Əvvəllər də Fransada özünün ekoloji fəallığı və təbiət haqqında sənədli filmləri ilə tanınan nazir bunu da deyib ki, dizel yanacağına izafi vergilərin qoyulması tullantıların azalmasına yol açacaq.

Özünün seçki kampaniyası ərzində Makron deyib ki, Fransanın kənar ərazilərində, xüsusilə də Fransa Qviyanasında qaz yataqlarının kəşfiyyatının əleyhinədir.

Bununla belə, cənab Hulot deyib ki, kəskin qadağan enerji şirkətlərinin məhkəmələrə şikayət müraciəti ilə nəticələnə bilər və buna görə də dəyişikliklər tədricən həyata keçirilməlidir.

Hazırda Fransada elektrik enerjisinin 75 faizini nüvə elektrik stansiyaları verir. Bu sahədə dövlət enerji şirkəti EDF-in 200 min işçisi var.

Ötən il qəbul edilmiş qanunda nüvə enerjisinin payının 2025-ci ilədək 50 faizə endirilməsi nəzərdə tutulub. Bu, 20-dək nüvə reaktorunun bağlanmasına və işsizliyin artmasına səbəb ola bilər.

Makron bu qanunu dəstəklədiyini desə də, onun icrasının dəqiq vaxtını dilə gətirməkdən çəkinir.

Bundan başqa prezident Fransa evlərində enerji istehlakının azaldılması üçün geniş yeniləndirmə proqramının tətbiqinə hazırlaşır. Bu proqram enerjinin istehlakının, karbon qazı emissiyalarının, enerji yoxsulluğunun azaldımasını və iş yerlərinin yaradılmasını nəzərdə tutur.

Makron və Hulot bərpa olunan enerji layihələrini ölkədə qonaq olan keçmiş Kaliforniya qubernatoru və aktyor Arnold Şvartseneggerlə (Arnold Schwarzenegger) müzakirə ediblər.

Şvartsenegger bundan əvvəl demişdi ki, o, cənab Makronla görüşərək birlikdə «təmiz enerjili gələcək» layihələrini müzakirə etməsindən qürur duyur.

Onun əynindəki maykada «Gəlin planetimizi yenidən qüdrətli edək» yazılmışdı.

Təhlilçilər bunu ABŞ prezidenti Donald Trampın «Gəlin Amerikanı yenidən qüdrətli edək» şüarına cavab kimi qiymətləndirirlər.

Fransa Donald Trampın ABŞ-ın Paris İqlim Sazişindən çıxması qərarını elan etməsini ən kəskin tənqid edən ölkə olmuşdu.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *