İyunun 19-da Brüsseldə Avropa Azərbaycan Cəmiyyətinin (TEAS) Brüssel nümayəndəliyinin təşkilatçılığı ilə »Avropa İttifaqı-Azərbaycan münasibətləri» mövzusunda seminar keçirilmişdir. Tədbirdə Azərbaycanlı diplomatlar, NATO yanında nümayəndəliyinin təmsilçiləri, Belçikada təhsil alan, peşəkar fəaliyyətlə məşğul olan, eləcə də Avropa Parlamenti və digər Avropa qurumlarında təcrübə keçən 15-ə yaxın azərbaycanlı gənc və digər qonaqlar iştirak edirdi.

Tədbir Azərbaycan Avropa Cəmiyyətinin Brüssel nümayəndəliyi rəhbəri Roman Hunanın aparıcılığı ilə keçirilirdi. Azərbaycanın Belçika Krallığı, Lüksemburq Hersoqluğu və Avropa İttifaqı yanındakı səfiri Fuad İsgəndərov və İslam Əməkdaşlıq Təşkilatının Avropa İttifaqı yanındakı nümayəndəliyinin rəhbəri, səfir Arif Məmmədov Azərbaycanla Aİ arasındakı münasibətlərin inkişafının prioritetləri, tarixçəsi və perspektivləri barədə çıxış etmişlər. 

Çıxışları tədbir iştirakçılarının sərbəst müzakirələri əvəz etdi.