«Bakı Telefon Rabitəsi» MMC pulsuz «Wi-Fi» xidmətinin əhatə dairəsini Səməd Vurğun və Muğan parklarına qədər genişləndirib. VAXT.AZ bildirir ki,bu barədə «Trend»ə şirkətdən məlumat verilib.

Simsiz internet şəbəkəsinin genişləndirilməsi üzrə işlər mart ayından «İctimai Wi-Fi» layihəsi çərçivəsində aparılır. Hazırda bu şəbəkəyə «İçərişəhər» dövlət tarix-memarlıq qoruğu, Dənizkənarı Milli Park, Heydər Əliyev Mərkəzinin parkı, Qış parkı, Zabitlər parkı, Sahil, Axundov, Sabir, Xaqani və Hüseyn Cavid bağları daxildir.

Yaxın zamanlarda pulsuz «Wi-Fi» «Dədə Qorqud» parkında da işə salınacaq.

Xidmət işə salındıqdan etibarən şəbəkəyə 500 mindən çox qoşulma qeydə alınıb.