vaxtlı-vaxtında oxuyun! Bazar, 23 sentyabr 2018
ABŞ dolları 1 USD = 1.7000 AZN
Avro 1 EUR = 2.0024 AZN
Rusiya rublu 1 RUB = 0.0256 AZN
İngilis funt sterlinqi 1 GBP = 2.2562 AZN
Türk lirəsi 1 TRY = 0.2727 AZN
Səttar Xan (1866 - 1914)

«Türk milləti böyük bir daşa bənzər, çox gec qızar və gec də soyuyar»

Səttar Xan (1866 - 1914)
PROBLEM, ŞİKAYƏT, NARAZILIQ  
12:42 | 21 iyun 2018 | Cümə axşamı Məqaləyə 460 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Bizim vaxtımızda belə hadisələr olmurdu”

Məşhur pambıqçı zəhərlənmələrdən heyrətə gəlib

MÖVZU İLƏ ƏLAQƏLİ

“Bizim dövrümüzdə heç vaxt kütləvi zəhərlənmə olmayıb. Ağlıma gəlmir ki, çalışdığım 40 il ərzində nə vaxtsa pambıqçılıqda kütləvi zəhərlənmə baş versin. Görünür, indiki halda baş verən zəhərlənmədə dərmanların dozasını artıq edirlər”.

Bunu Modern.az-a açıqlamasında keçmiş deputat, bir vaxtların məşhur pambıqçısı, hazırki Prezident təqaüdçüsü Tərlan Musayeva son günlər pambıq sahələrində baş verən kütləvi zəhərlənmə hallarına münasibət bildirərkən deyib.

Tərlan Musayeva bildirib ki, pambıq sahələrində bu cür neqativ halların baş verməsində  sahəyə nəzarət edən aqronomun da, məhsulu becərənin də məsuliyyəti var.

“O vaxtlar pambıq sahələrinə mən də dərman səpmişəm. Amma dərmanı sahəyə səpəndən sonra 24 saat kimsə ora buraxılmırdı. Çünki dərmanın təsiri keçməli idi. Mən sahəyə dərman səpən vaxtlarda yanımda ayran, qatıq məhsulları gəzdirirdim. Su əvəzinə onu içirdik. Kolxozdan hər bir işçi üçün süd məhsulları təşkil edilirdi. Əleyhqazdan istifadə edirdik. Əlcəksiz, xüsusi geyimsiz tarlaya girməzdik. İş geyimlərini geyinməsəydik, bizi tarlaya buraxmazdılar. Görünür, indi bu sahəyə nəzarət olunmur. Kənardan gətirilən adamlar da qaydalara əməl etmirlər. O vaxtlar bu sahəyə ciddi nəzarət vardı. Kolxoz sədri də məsuliyyət daşıyırdı”.

Tanınmış pambıqçının sözlərinə görə, dərmanlardan düzgün istifadə edilmədikdə əks təsir özünü daha çox göstərir.

“Bəlkə də elə işçilərin yanında  dərmanı tarlaya səpirlər. Həmçinin, gətirilən dərmanların dozasından düzgün istifadə etmirlər. Bu cür dərmanlar çox təhlükəlidir. Hətta dərmanların insan orqanizmində 40 il qalma təsiri var. Bizim dövrümüzdə hamilə qadınların pambıq tarlalarında işləməsinə icazə verilmirdi. Çünki bu dərmanların ana bətnində olan uşağı öldürmək riski daha güclüdür”.

Xatırladaq ki, son günlər  Saatlı, Tərtər, İmişli və Yevlaxdakı pambıq tarlalarında kütləvi zəhərlənmə halları baş verib.

Namidə BİNGÖL


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *