«Bizi görən kimi fitə basırlar»
Məsud Pezeşkiyan: «Görəsən biz nə qələt eləmişik ki, ...»
MÖVZU İLƏ ƏLAQƏLİ
-
Pişəvərinin ölümü!
Yaxud erməni terroru yoxsa Sovet kəşfiyyatının əməliyyatı
-
Cənubi Azərbaycan düyünü ...
Dövlətin adını Şimali Azərbaycana dəyişmək bunu açacaqmı?
-
Dövrünün nadir incəsənət adamı
Bənzərsiz qələmi olan rəssam, tayı-bərabəri olmayan nəqqaş və əvəzsiz tərrah
-
... “Səhər”in səsi
Məhəmməd Kazım Şəriətmədari haqda bir müsahibə ilə xırp kəsiləcək ...
-
Güneylilər Bakıda
Keçici Milli Məclisinin Təşkilat Komitəsinin üzvləri siyasi partiyalar və QHT-lərlə görüşəcək
-
Teatr işçiləri hicabdan imtina edib
“Şou bitəcək və həqiqət üzə çıxacaq”
-
Adı qalaya verilən sərkərdə
Milli qəhrəman Kazım Xan Quşçu kimdi?
-
Güneylə 90-cı illərin Quzeyi
Bugünkü müzakirə və gəlişmələr öz sözünü mütləq deyəcək
-
Güney Azərbaycanda fəlakət
Hirkan meşələri dördü gündür yanır
-
Güneydə ümummilli aksiya təyin olundu
21 Azər hərəkatına hazırlıq gedir
-
Pezeşkiyan rejimə səsləndi
Təbrizli millət vəkili etirazçıların səsini eşitməyə çağırdı
-
Təbrizdə dərman çatışmır
Xammal yoxdur, müəssisələr bağlanır, bahalaşma gözlənilir
-
AzTV aktivləşib
Dövlət televiziyasının sosial şəbəkələrdə paylaşımları və baxış sayı kəskin çoxalıb
-
“Bu qan yerdə qalmayacaq”
Təbrizi divarlarını qraffiti yazıları bürüdü
-
Daha bir polkovnik ...
SEPAH zabitinin qəddarlığı sonunu gətirdi
-
Cavanrud və Soyuqbulaqda qətliam
Xəstəxanalar yaralıya dolub, qan çatışmazlığı üçün əhaliyə müraciət olunub
İran parlamentinin deputatı, «Türkdilli Bölgələr Fraksiyası»nın rəisi Məsud Pezeşkiyan martın 1-də Şiraz Universitetinin tələbələri ilə görüşdə ölkədə baş alıb gedən qanun pozuntularından, tələbələrə qarşı təzyiqlərdən, məmur özbaşınalığından və cəmiyyətdə geniş yayılan fəsaddan danışıb.
Ölkədə müəyyən mərkəzlər və ya şəxslər tərəfindən dəstəklənən bir qrup mülki geyimli şəxsin heç kəsə cavabdeh olmadan qanuni toplantılara müdaxiləsinə və ya kimlərinsə çıxışına mane olmasına toxunan təbrizli deputat bildirib ki, bu kimi rəftarlar tələbələrin hakimiyyətdən narazılığına gətirib çıxarır: «Ölkə problemlərini onun-bunun boynuna atmaq düzgün deyil. Bu gün, ölkədə və cəmiyyətimizdə yaşanan çətinliklərin səbəbkarı başqaları yox, biz özümüzük. İş o yerə çatıb ki, artıq sərbəst şəkildə universitetə gedib tələbələrlə üz-üzə oturub onlarla danışa da bilmirik. Görəsən biz nə qələt eləmişik ki, bu gün tələbələr bizi görən kimi fitə basırlar. Görəsən biz insanlarla necə davranmışıq ki, iş bu yerə gəlib çatıb. Aydın məsələdir ki, problem bizim özümüzdəndir. Yoxsa, tələbə dəli deyil ki, bilərəkdən rəsmilərlə bu cür rəftar etsin.
Öz tərəf-müqabilinə danışmağa və öz fikrini bildirməyə icazə verməyən şəxslər, cəhalət və nadanlıq ucbatından bunu edirlər. Əgər kimsə haqq və ədalətdən dəm vurursa, qarşısında duran insana da icazə verməlidir ki, o da öz sözünü deyə bilsin. Lakin bu haqqı başqalarına tanımayanlar necə iddia edə bilərlər ki, cəmiyyəti və insanları hidayət etmək istəyirlər».
Pezeşkiyan, tələbələrdən birinin ölkədə yaşanan və gündən-günə geniş vüsət alan iqtisadi fəsadın səbəbləri ilə bağlı verdiyi sualı da cavablandırıb: «Əhmədinejad dövründə neft satışından əldə edilən 800 milyard dolların başına nə gəldiyi və nəyə xərcləndiyi bəlli deyil. Bəli təqsirkar biz özümüzük. Biz, hakimiyyətin zəif siyasətinə görə belə problemlərlə üz-üzə qalmışıq. Bunu isə Amerikanın və ya başqa bir ölkənin boynuna atmamalıyıq. Görəsən ölkədə bu qədər iri miqyaslı oğurluqlar baş verəndə biz hardaydıq. Olmaya yatmışdıq. Bəs fəsadlar baş verəndə Məhkəmə Sistemi hara baxırdı. Bəli bu gün ölkədə mövcud olan bu problemləri Amerika yox, özümüz yaratmışıq, özümüz də onu həll etməliyik».