Qaçqına gəl-gəl deyən ...
Dünyanın bir nömrəli probleminə sahib duran yoxdur
Xalid KAZIMLI
MÖVZU İLƏ ƏLAQƏLİ
-
14 milyon insan qaçqın düşüb
“Dinc əhalinin həyatda qalmaq üçü cüzi imkanları belə hücuma məruz qalır”
-
“Təbiətlə tualet kimi davranırıq”
Quterreş: “Korporasiyalar bank hesablarını dolduqca dünyamızın təbii hədiyyələri boşaldılır”
-
Hər 5 işçidən 1-i...
121 ölkədə keçirilən sorğuda utancverici mənzərə ortaya çıxıb
-
Aralıq dənizində ara qarışır
Türkiyənin Liviyanı müdafiə etməsi Yunanıstanı özündən çıxarır
-
“Kişilik” və “qadınlıq” anlayışları
Gender bərabərliyi, feminizm və zərif cinsin nümayəndələrinə qarşı zorakılıq
-
BMT-də İran müzakirələri
Qurum edamların dərhal dayandırılmasını tələb edir; missiya yaradılır
-
“İranda vəziyyət kirtikdir”
BMT-nin İnsan Haqları üzrə Ali Komissarı həyəcan təbili
-
BMT “ölüb”...
Qurum “sülh”ə çağırmaqdan başqa heç bir işə yaramır
-
Əgər İran səmimidirsə ...
Tehran atılacaq ciddi addımların təhlükəsinin fərqindədir
-
BMT-də Rusiyaya qarşı qətnamə
Aİ dünyadan təcrid edəcəyini deyir, NATO zəif görməməyə tövsiyə edir
-
“Biz cəhənnəm yolundayıq”
BMT baş katibi: “Həyatımızın mübarizəsindəyik və məğlub oluruq”
-
Son 5 ildə 36 pillə geriləmə ...
... Yaxud Milli Məclisdəki bir görüşlə BMT hesabatı arasında əlaqə axtarışı
-
“Zarafatdan başqa bir şey deyil”
İranın BMT komissiyasından qovulması tələb edilir
-
Aclıq və qida çatışmazlığı böyüyür
BMT-dən həyəcan təbili
-
Soydaşlarımız səfərbərliyə cəlb olunacaqmı?
Rusiya ordusu ilə bir illik xidmət müqaviləsi olan miqrantlara vətəndaşlıq verilməsində məqsəd ...
-
Dünya 5-dən böyük olsa da...
Bayden Ərdoğanın fikrini təkrarlayıb
Yazıq miqrantlar... bu geniş dünya başlarına dar olub, sahibsiz, yiyəsiz şəkildə ortada qalıblar. İndiki halda söhbət kütləvi aclıqdan, ölümdən qaçan miqrantlardan gedir. Hər gün məhz onlara dair faciəvi xəbərlər gəlir.
Hər iki aydan biri Banqladeş civarında bərə batır, 500 benqal bir dəfəyə ölür.
Aralıq dənizində, Yunanıstan, Türkiyə, İaliya sahillərində rezin qayıqlar suya gömülür, bir neçə yüz qaçqının bir yarısı xilas edilir, yarısı batıb gedir.
Təhlükəsiz yerə köçmək istərkən Suriyada, İraqda bombardmana məruz qalırlar.
Macarıstanda, Serbiyada, Xorvatiyada həşarat yerinə qoyulub qovulurlar.
Almaniyada müasir tipli gettolara doldurulurlar.
İsveçdə harda saxlanıldıqları bilinmir – yerli camaat bilməsin, üstlərinə hücum çəkməsin deyə.
İtaliyada liviyalı və tunisli qaçqınlar küçədə yatır, özlərinə bir yuva düzəldənə qədər məşəqqət çəkirlər.
Yunanıstan keçid məntəqəsidir, qaçqınları qəbul edir, yola salır, «öz dərdim özümə bəsdir, sizi necə saxlayım» davranışı sərgiləyir.
İngiltərə, İslandiya, İrlandiyada qapıları bağlayır, təkini belə içəri buraxmırlar, axtarıb tapdıqlarını belə gəmiyə, təyyarəyə oturdub geri qaytarırlar.
Ucsuz-bucaqsız əraziyə malik Rusiya isti iqlimə alışmış qaçqınlar üçün əlverişli deyil, anlayırlar ki, Moskva onları qəbul etsə də, onlar bu soyuq iqlimdə tablaşa bilməzlər.
Çin və Hindistan özü dünyaya əmək miqrantı ixrac edir, heç biri milyard yarımlıq əhalisinin üstünə bir də qaçqın qəbul edəsi deyil.
İran, Səudiyyə Ərəbistanı, Qatar, BƏƏ kimi dövlətlər öz binəsib müsəlman qardaşlarına yiyə durmurlar. Ortada məzhəb münaqişəsi var.
Heç müsəlman qaçqınlar da onları bəyənmir, bu ölkələri özləri üçün təhlükəsiz saymırlar. Onların kasıb ölkələrdə də işi yoxdur.
ABŞ, Kanada, Avstrliya və Yaponiya çox uzaqdadır, qaçqınların oralara gedib çıxması mümkün deyil.
Yüksək rifah içində yaşayan kiçik və cırtdan ölkələr miqrant selini qarşılamaq gücündə deyillər, ayaq altında qalarlar.
Qaçqınlara münasibətdə «üzüyumşaq»lıq edən beş-altı ölkə var: Türkiyə, İordaniya, Almaniya, Hollandiya, İsveç, Norveç...
Türkiyə son 5-6 ildə İraq və Suriyadan gələn müharibə qaçqınlarına 25 milyard dollar həcmində vəsait xərcləyib. BMT və Avropa bu xərcin 1,5 milyardını ödəyib, qalanı Türkiyə xalqının kisəsindən gedib.
İndi də xəbər gəlir ki, Avstriya rəhbərliyi ölkəni könüllü şəkildə tərk edəcək qaçqınlara ikiqat ödəniş edir. Yəni alın, bu sizə bəs qədər pul-para, gedin qada-bəlanızı başqa ölkəyə aparın.
Əslində bu, Avstriya hökuməti tərəfindən çox ağıllı addımdır. Türkiyə kimi 5 ilin içində qaçqınlara görə 25 mlyard dollar ziyana düşüncə, bəri başdan 1-2 milyardla qurtulmaq mümkündür.
Beləliklə, hazırda İŞİD-in həyata keçirdiyi kütləvi edam və zorlamalalardan, qədim dövrlərdəki tək qul kimi alınıb-satılmalardan, Suriyanın, Rusiyanın bombardmanlarından qaçan milyonlarla insan sadəcə yaşamaq, mövcud olmaq üçün yer axtarır.
Onları öz vətənlərində labüd ölüm və qaçılmaz qul həyatı gözləyir, qürbətdə isə nəsibləri hüquqsuzluq, dərbədərlik, məchulluqdur.
Amma bu insanların başqa yolu yoxdur, primitiv həyat eşqi, yaşamaq arzusu onları dünyaya səpələməkdədir.
Dünyanı idarə edən güclər bu insanların bu halı üçün birbaşa məsuliyyət daşıyırlar.
Bu adamlar o tiranların əlindən qaçıblar ki, vaxtilə dünyanı idarə edənlər həmin tiranlarla əməkdaşlıq edir, saziş bağlayır, hakimiyyətdə qalmaları, möhkəmlənmələri üçün onları dəstəkləyirdilər.
Dünyanı idarə edənlər üçün fərqi yox idi ki, bu müstəbidlər hakimiyyətə hərbi çevriliş yolu ilə gəlir, seçki-filan keçirmədən hakimiyyətdə qalır, öz xalqlarını zülm edə-edə dövran sürürlər.
Onlar bu tiranları öz işlərinə yarayanda, müstəbidlər sözə baxmayanda, nəzarətdən çıxanda devirmək istədilər, heç onu da düz-əməlli bacarmadılar, nəticədə olan milyonlarla insana oldu.
İndi yersiz-yurdsuz qaçqınlar problemi dünyann bir nömrəli probleminə çevrilib.
Bu problemi ABŞ, İngiltərə, Almaniya, Rusiya, Fransa, İtaliya,Kanada,Yaponiya həll eməlidir. Dünyanı idarə edən bunlardır.