vaxtlı-vaxtında oxuyun! Çərşənbə, 20 sentyabr 2017
ABŞ dolları 1 USD = 1.7007 AZN
Avro 1 EUR = 2.0368 AZN
Rusiya rublu 1 RUB = 0.0293 AZN
İngilis funt sterlinqi 1 GBP = 2.3022 AZN
Türk lirəsi 1 TRY = 0.4878 AZN
Heydər Əliyev (1923 - 2003)

«Azadlıq və istiqlaliyyət hər bir xalqın milli sərvətidir»

Heydər Əliyev (1923 - 2003)
GÜNDƏM  
11:48 | 6 sentyabr 2017 | Çərşənbə Məqaləyə 350 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Sərkisyanın helikopterini vura bilərikmi?

Elxan Şahinoğlu: «Biz buna son qoymasaq, ... »

Mirmahmud KAZIMOĞLU

MÖVZU İLƏ ƏLAQƏLİ

«Azərbaycanın işğal olunmuş ərazilərində uçuşlar həyata keçirən Ermənistan təyyarələrini və helikopterlərini Silahlı Qüvvələrimiz vura bilər. Bu Azərbaycanın haqqıdır. Bunu ermənilər də çox gözəl bilir». Bunu «Atlas» Araşdırmalar Mərkəzinin rəhbəri, politoloq Elxan Şahinoğlu Modern.az-a açıqlamasında deyib.

E.Şahinoğlu deyib ki, Ermənistan Xankəndində hava limanını tədricən işə salır, amma uçuşlar həyata keçirə bilmir.

«Çünki onlar bilirlər ki, bu, beynəlxalq hüquqa da ziddir. Azərbaycan tərəfi heç bir dövlətə onun icazəsi olmadan uçuşlar həyata keçirməsinə icazə vermir. Son zamanlar erməni separatçıları təxribatlara başlayıblar. Xankəndi Şuşa istiqamətində uçuşlar həyata keçirirlər. Biz buna son qoymasaq, onlar bu təxribatlarını daha da genişləndirəcəklər. Necə ki, Kəlbəcərdə Mineral su zavodu açırlar, yol çəkirlər, Şuşada tikinti işləri aparırlar. Halbuki, həll planına görə, Ermənistan Dağlıq Qarabağa aid olmayan rayonları boşaltmalıdır. Bu bəmçinin həmsədr dövlətlərin vecinə də deyil. İrəvana demirlər ki, buralarda niyə tikirsən, köçürmə həyata keçirirsən, axı həll planına görə boşaldacaqsan. Ona görə də biz hər zaman işğalçını təzyiq altında saxlamalıyıq».

Bəs belə olan təqdirdə Ermənistan rəhbərliyini Qarabağa gətirən helikopterlər vurula bilərmi?

E.Şahinoğlu sualı belə şərh edib: «Mən demirəm ki, Serj Sərkisyan helikopterlə Xankəndinə gəlsə, mütləq onu vurmalıyıq. Bu əlbəttə ki, müəyyən problemlər yarada bilər. Amma biz hansısa yolla işğalçıya mesaj göndərməliyik ki, bu etməyin. Əks halda cavabınızı alacaqsınız. Ermənilər belə təxribatlarını getdikcə genişləndirirlər. Artıq  Ermənistanın baş naziri Karen Karapetyan məzuniyyətini işğal altındakı torpaqlarımızda keçirir. Kəlbəcərə gedir və orada mineral su istehsal edən zavodun açılışında iştirak edir. Bundan bir neçə gün keçir, bu dəfə Ermənistan prezidenti Qarabağa gəlir və yol açılışında iştirak edir. Mən hesab edirəm ki, bu kimi halların qarşısını almaq üçün belə bir addımın atılmasına ehtiyac var».


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *