vaxtlı-vaxtında oxuyun! Cümə, 15 dekabr 2017
ABŞ dolları 1 USD = 1.7001 AZN
Avro 1 EUR = 1.9983 AZN
Rusiya rublu 1 RUB = 0.0287 AZN
İngilis funt sterlinqi 1 GBP = 2.2653 AZN
Türk lirəsi 1 TRY = 0.4424 AZN
Mustafa Kamal Atatürk (1881 - 1938)

«Uca Türk, sənin üçün yüksəkliyin hüdudu yoxdur»

Mustafa Kamal Atatürk (1881 - 1938)
ARAŞDIRMA  
23:00 | 9 noyabr 2017 | Cümə axşamı Məqaləyə 243 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

İtlər yaşılı qırmızıdan niyə seçə bilmir?

Yaşıl çəmənlikdə qırmızı topu tapmaq onlar üçün əsl problemdir

MÖVZU İLƏ ƏLAQƏLİ

«The Telegraph» qəzetinin elm müxbiri yazır ki, itlərdə rəng korluğu var və onlar qırmızı və yaşıl rəngləri seçməkdə çətinlik çəkirlər. Bu o deməkdir ki, yaşıl çəmənlikdə qırmızı topu tapmaq itlər üçün əsl problemdir.

Ekspertlər itlərin gözdən zəif olduqlarını və detalları seçməkdə insanlardan səkkiz dəfə geri qaldıqlarını çoxdan bilsələr də, bunun səbəbini bilmirdilər.

İndi isə alimlər aşkar ediblər ki, itlər qırmızı və yaşıl rəngləri bir-birindən seçə bilmirlər və insanlarda da müşahidə edilən bu rəng korluğu deuteranopia adlanır.

İtlər təbiətən krepuskulyar heyvanlardır, bu isə o deməkdir ki, onlar alatoranlıq saatlarında daha fəal olurlar. Alatoranlıqda rənglər o qədər də əhəmiyyətli rol oynamır. Lakin müasir zəmanəmizdə əhilləşdirilmiş itlər günün gündüz saatlarında oyaq olurlar. Buna baxmayaraq, onların gözləri hələ də bu təkamül prosesini başa çatdırmayıb.

Qırmızı-yaşıl rəng korluğu olan insanlar yaşıl fonda qırmızı ilə yazılmış rəqəmləri görməkdə çətinlik çəkirlər. Əslində, belə adamların diaqnozu onlara bu cür şəkillərin göstərilməsi ilə müəyyənləşdirilir.

Alimlər təcrübə zamanı itlərə yaşıl fonda çəkilmiş qırmızı pişik şəkilləri göstəriblər. İtlər də özlərini rəng korluğu olan adamlar kimi aparıblar. Yəni pişikləri seçmək üçün vurnuxublar.

İtaliyadakı Bari Universitetinin baytarlıq təbabəti departamentindən doktor Marsello Siniskalçi  (Marcello Siniscalchi) deyib ki, buna görə də hipotetik baxımdan itlərin də boz və narıncı rəngləri seçməkdə çətinlik çəkdiklərini söyləmək olar, amma hələlik, bu sahədə eksperimentlər aparlmayıb.

Alim bildirib ki, buna baxmayaraq, itlər üzərində aparılmış bu təcrübənin metodologiyası başqa heyvanlara da tətbiq edilə bilər.

İt sahiblərinə gəlincə isə bu, olduqca önəmli nəticədir. İt sahibləri onlarla parklarda oynayarkən rəng korluğu məsələsini nəzərə almalıdırlar.

İtinizin sizin yaşıl çəmənlikdə atdığınız topu tez tapıb gətirməsini istəyirsinizsə, qırmızı yox, məsələn, mavi rəngli toplardan istifadə edə bilərsiniz.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *