vaxtlı-vaxtında oxuyun! Bazar, 21 aprel 2019
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Səttar Xan (1866 - 1914)

«Türk milləti böyük bir daşa bənzər, çox gec qızar və gec də soyuyar»

Səttar Xan (1866 - 1914)
CƏMİYYƏT  
17:30 | 5 fevral 2019 | Çərşənbə axşamı Məqaləyə 235 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Fikirləri ikrah doğurur”

Çingiz Abdullayevdən rusiyalı senatora şillə kimi cavab

MÖVZU İLƏ ƏLAQƏLİ

Bir müddət əvvəl Rusiyada aeroportlara dahi şəxsiyyətlərin adlarının verilməsi ilə bağlı sorğu keçirilib. Surqut şəhərində keçirilən səsvermədə Sibirdə neft yatağını kəşf etmiş azərbaycanlı Fərman Salmanov qalib gəlib.

Tanınmış teleaparıcı Kseniya Sobçakın anası olan Narusovanın Sibirdə ilk dəfə neft kəşf edən Fərman Salmanov haqqında dedikləri isə hiddət doğurub. Sibirin hansısa şəhərinə, yanılmıramsa, Surqutda hava limanına orada neft yatağı kəşf edən hansısa azərbaycanlı Süleyman ibn filankəsin adını veriblər”, - deyə senator söyləyib.

Narusova neft yatağı kəşf etməsinə görə hər cür alqışa layiq olduğunu bildirsə də, hava limanına onun adının veriləcəyi təqdirdə, rusdillilər üçün tələffüzdə çətinliklərin yaranacağını qeyd edib. Azərbaycanın xalq yazıçısı Çingiz Abdullayev senatorun bu ifadələrinə biganə qala bilməyib. O, özünün “Facebook” hesabında Narusovanın dediklərinə münasibət bildirib: “İkrah doğuran fikirlərə münasibət bildirməyi sevmirəm. Lakin bəzən susmaq olmur. Məşhur demokratın həyat yoldaşı və Rusiya prezidentliyinə namizədin anası olan senator Lyudmila Narusova mərhum Fərman Salmanovun ünvanına təhqiramiz ifadələr işlədib. Surqutda hava limanına onun adının verilməsi ona xoş gəlməyib. Maraqlıdır ki, bu “demokrat” üçün Surqut sakinlərinin əksəriyyətinin fikirləri önəmli deyil, çünki hər bir ad verilərkən səsvermə keçirilir. Ancaq məsələ bunda da deyil. O ikiüzlü şəkildə hava limanına qoyulan Azərbaycan adının çətin tələffüz olunduğunu deyir. Belə bir narahatlıq var.

Ancaq məsələ burasındadır ki, Narusova özü əsrin əvvəlində Çanmır Udumbarı əvəz edərək Tuvadan senator seçib. Onun tuva dilində danışa bilməsinə və tuva adlarını sərbəst tələffüz etməsinə şübhə etmirəm. Məsələn, hökumət rəhbərləri Sarık-Donqak Çimbe və ya Adıq-Tuluş Xeçek ool. Bu müqayisəyə görə tuvalılar gərək məni bağışlasın. Əlbəttə ki, bu adlar Azərbaycan adı olan Fərmandan daha “asan”dırlar. Salmanovun bütün “xidmətləri”ni özüm yada salmıram.

Sadəcə ona görə ki, xidmətindən və ya milliyyətindən asılı olmayaraq, belə hücumlar qəbuledilməzdir. Amma ki, burada insanlar seçilib və şərtsiz xidmətə görə seçiliblər! Bir neçə il sonra xanım Narusova Bryansk bölgəsindən senator seçildi və tezliklə onun səlahiyyətləri ləğv edildi. İndi o, yenidən Tuvadan senator seçilir. Bəzən belə olur. Ən qəribəsi odur ki, otuz il bundan əvvəl onun mərhum əri partiyaların ucqar vilayətlərdən seçilmiş vəzifəli şəxslərinə lağ edirdi.

Amma təkcə bu deyil. Dünən mən “Qarabağ” – “Neftçi” matçına getmişdim. Oyun zamanı “Neftçi”nin müdafiəçisi Mamadu Mbodja toqquşduqdan sonra “Qarabağ”ın oyunçusu Mahir Mədətova əlini uzatdı. Oyunun qızğın gedişatında o, bu jestə cavab vermədi. Son zamanlar bu gənc və istedadlı futbolçu tez-tez əsassız olaraq tənqid olunur. Ancaq axşam o, açıqlamasında müdafiəçidən üzr istədi və irqçi düşüncəyə malik olmadığını bildirdi. Mamadu Mbogja ona cavab verdi.

Müdafiəçi hər şeyi doğru anladı. Bu, bizim multikulturalizmimizə inanmayanlar və hələ də azərbaycanlıları digər insanlara və irqlərə qarşı dözümsüzlüklə ittiham edənlər üçündür. İndi özünüz müqayisə edin. Hava limanının adına görə qəzəblənən senator Narusovanın davranışı, Azərbaycan və Seneqal futbolçularının davranışı. Senatora görə utanıram. Ən azından ərinin xatirəsinə hörmət olaraq, onun belə hücumlar etməyə haqqı yoxdur”.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *