vaxtlı-vaxtında oxuyun! Çərşənbə, 18 sentyabr 2019
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Şah İsmayıl Xətai (1487 - 1524)

«Söz vardır kəsdirir başı,
Söz vardır kəsər savaşı»

Şah İsmayıl Xətai (1487 - 1524)
AKTUAL  
17:40 | 22 iyun 2019 | Şənbə Məqaləyə 491 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Siyasi gərginliklər neft bazarını da “alovlandırır”

“Qara qızıl”da qəfil qiymət artımına səbəb olan amillər

Nərgiz LİFTİYEVA

MÖVZU İLƏ ƏLAQƏLİ

Dünya bazarında neftin qiyməti artmağa başlayıb. Belə ki, “Brent” markalı neftin qiyməti 65 dolları ötüb. “Brent” markalı neftin avqust fyuçersləri London birjasında 1,27 faiz artaraq 65,27 dollar/barel səviyyəsində satılıb.

Nyu-York birjasında “WTI” markalı neftin avqust fyuçersləri isə 0,84 dollar artaraq, bir barel üçün 57,55 dollara çatıb. Ekspertlər bildirir ki, dünya birjalarında neftin qiyməti geosiyasi proseslər fonunda artır.

İranın ABŞ-a məxsus pilotsuz uçan aparatı vurması, Birləşmiş Ştatlarla Çin arasında ticarət razılaşmasının imzalanacağına dair gözləntilər, ABŞ-ın xam neft ehtiyatlarının geriləməsi “qara qızıl”ın qiymətinin 2 faizədək artmasına səbəb olub.

İyunun 20-də səhər saatlarında ABŞ və Çin arasında ticarət danışıqlarının bərpa edilməsi, eləcə də OPEC+ ölkələrinin görüşünün gözlənilməsi fonunda neft kotirovkaları artıb. İki əhəmiyyətli hadisənin - ABŞ-Çin ticarət danışıqları və OPEC+ ölkələrinin Vyana görüşünün gözlənilməsi, eləcə də ABŞ-da ehtiyatların azalması barədə məlumatlar bazarda qiymətlərin artmasına şərait yaradır.

Qeyd edək ki, iyunun 14-də başa çatan həftə ərzində ABŞ-da neft ehtiyatları 311 milyon barel azalaraq 482,4 milyon barelə çatıb. Bu azalma göstəricisi ötən beş ilin bu dövrü üzrə orta səviyyədən 7 faiz çoxdur. ABŞ-da benzin ehtiyatları keçən həftə 1,69 milyon barel azalıb.

Bundan başqa, Federal Ehtiyat Sistemin (FED) iyunun 18-19-da keçirilmiş iclasdan sonra tonunun dəyişməsi fonunda ABŞ dollarının bütün əsas valyutalara qarşı zəifləməsi də neft bazarına müəyyən dəstək təmin edir.

“CFRA Research”ün analitiki Stiven Qlikman “MarketWatch”a  açıqlamasında bildirib ki, neft bazarı üçün ABŞ-ın monetar yox, daha çox büdcə siyasəti vacib katalizator rolu oynayır.

Çərşənbə günü OPEC+ ölkələrinin qarşıdakı görüşü iyulun 1-2-nə keçirməyi qərara aldıqları məlum olub. Bu görüşdə neft hasilatının məhdudlaşdırılması üzrə sazişin müddətinin uzadılıb-uzadılmaması və hansı şərtlərlə bunun edilməsi barədə qərar qəbul edilməlidir.

İqtisadçılar hesab edir ki, neft qiymətlərinin perspektivdə necə olması bu qərardan da asılı olacaq. Hələlik isə qara qızılın qiymətinə daha çox iqtisadi amillər deyil, siyasi münaqişələr təsir göstərir.

İqtisadçı ekspert Rəşad Həsənov mediaya açıqlamasında bildirib ki, İqtisadi şərtlər müəyyən qədər neftin qiymətinin azalması istiqamətində təzyiqlər göstərir: “Bu faktorlar qalmaqdadır. Həm ABŞ-da neft hasilatının artması, həm OPEK-in hasilatın azaldılması ilə bağlı birmənalı fikirdə olmaması, OPEK-in qiymətin yaratdığı dezavantajlarla bağlı narahatlığı qalmaqdadır. İranın neft hasilatının azalmasından qaynaqlanan çatışmazlığın bazarda digər hasilatçılar, xüsusən də Səudiyyə Ərəbistanı tərəfindən kompensasiya edilməsi, dünya iqtisadiyyatının artım tempi, habelə Avropa Birliyi iqtisadiyyatı ilə bağlı neqativ proqnozlar  neft qiymətlərini aşağı çəkən faktorlardır. İndiki halda qiymətlərin daha çox ucuzlaşmasının qarşısını alan və son iki gündə bahalaşmasına səbəb olan amil İran və ABŞ arasında olan münasibətlərdir. Qısamüddətli dövrdə bu siyasi proseslərin investorlarda yaratdığı qənaət son nəticədə qiymətləri artırdı. Bu, növbəti bir neçə ayda da neft bazarında əsas amillərdən biri olaraq qalacaq. Körfəzdə yaşananların hələ ki  dünya neft bazarına təsiri böyükdür. Dünya neftinin təxminən 30 faizi Körfəzdən daşınır. Bu gün bazarda qiymət artımını formalaşdıran əsasən siyasi faktorlardır. Neftin ucuzlaşmasının səbəbini isə iqtisadi amillər, tələb və təklif arasında olan nisbət kimi qiymətləndirmək lazımdır”.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *