Fevralın 23-də Azərbaycan Prezidenti İlham Əliyevin Türkiyəli həmkarı Rəcəb Tayyib Ərdoğanla telefon danışığı olub.

Azərbaycan prezidentinin mətbuat xidmətinin məlumatına görə, telefon söhbəti zamanı ikitərəfli gündəliyə və regional məsələlərə dair fikir mübadiləsi aparılıb: “Azərbaycan ilə Türkiyə arasında qardaş və dost münasibətlərinin bütün sahələrdə uğurla inkişaf etdiyi bir daha qeyd olunub”.

Türkiyə Prezident Administrasiyasından yayılan məlumatda qeyd edilir ki, liderlər Rusiya-Ukrayna böhranı başda olmaqla regional məsələlərə dair də fikir mübadiləsi aparıblar.

İki gün öncə, fevralın 21-də Rusiya Ukrayna ərazisində separatçı “Donetsk Xalq Respublikası” və “Luqansk Xalq Respublikası”nın müstəqilliyini tanıyıb.

6 il əvvəl isə Rusiya Ukraynanın bir hissəsini ilhaq etmişdi.