Sosial Demokrat Partiyasının lideri, Almaniyadan olan Martin Şults Avropa Parlamentində yenidən sosial-demokratlar qrupunun sədri seçilib. Qeyd edək ki, Avropa Parlamentinin sədri olmamışdan öncə də o, bu vəzifədə idi. Şults bu vəzifəyə bir aylıq seçilib. Yeni parlament tam formalaşandan sonra qrupun yeni lideri seçiləcək. Qeyd edək ki, Şults Aİ-də yüksək səviyyəli postları hədəf alıb.

Siyahıda yeganə namizəd olan Şults 170 səsdən 162-ni qazanıb.

Avropa Komissiyasının prezidentliyinə namizəd olmuş Martin Şults mayın 25-i Avropa Parlamentinə seçkilərdə sosial-demokratların qeyri-qənaətbəxş nəticələrindən sonra məyus olmuşdu. Belə ki, əhəmiyyətli irəliləyiş olsa da, sosial-demokratlar qrupu əsas rəqiblərini - Avropa Xalq Partiyasını qabaqlaya bilməmişdi.

Qeyd edək ki, Avropa Xalq Partiyası Avropa Parlamentinin ən böyük siyasi qrupu olaraq qalmaqda davam edir.

Xatırladaq ki, sosial-demokratlar Avropa Parlamentində 191, Avropa Xalq Partiyası isə 221 nəfərlə təmsil olunacaq.