Barış üçün yola çıxan Boris
Conson Kiyevdə “oyuncaq xoruz”a mesaj yolladı
Aygün MURADXANLI
MÖVZU İLƏ ƏLAQƏLİ
-
Diplomatik kriz
“Deportasiyalar İki ölkə münasibətlərinə düzəldilməz ziyan vuracaq”
-
Vyetnam müharibəsi taktikası
“Pilotlar çox təhlükəli missiyalara göndərilir”
-
“Öz ərazilərini vururlar”
Hədəfdən böyük ölçüdə yayınmalar bombalanmanın uğrursuzluğunu göstərir
-
500 min əsgərlə hücum
Ukrayna yarım milyonluq gücü 40 min nəfərlik ordu və PUA-larla qarşılayacaq
-
“Müharibəni qazanmadan NATO-ya girə bilmərik”
“Ukrayna ordusu ABŞ istehsalı olan “F-16”ların bu ay gələcəyini gözləyir”
-
“O biri dünyaya gedən yol”
Əsrarəngiz abidələrin sirri açıldı
-
Ukrayna cəbhəsində kritik ay
Putin andiçmə mərasiminə və Qələbə gününə hədiyyə kimi Çasov-Yar təpələrini istəyir
-
Rusiyanı gözləyən təhlükə
Ukraynadan qayıdan əsgərlər tərəfindən törədilən qətllərin sayı 9 dəfə artıb
-
Rusiya BMT sanksiyalarını pozub
Ukraynada Şimali Koreyaya məxsus raketin qalıqları tapılıb
-
“Yenilməz batareya” məhv oldu
Ukrayna ordusu Krımdakı “S-400”lərin birini vurub
-
“Özünü müdafiə hüququ çərçivəsindədir”
NATO Ukraynanın Rusiya ərazisini bombalamağa yaşıl işıq yandırıb
-
95 milyard dollarlıq yardım
ABŞ Ukrayna, İsrail və Tayvana fantastik məbləğ ayırdı
-
“NATO həmişəkindən daha güclüdür”
“Ukrayna müharibəsi təhlükəsizliyin regional deyil, qlobal olduğunu göstərdi”
-
Ukraynada çağırış yaşı aşağı salındı
Zelenski uzun müddətdir yubatdığı qanunu imzaladı
-
“Kerç partlayacaq”
Ukrayna müharibədə bütün balanslar dəyişməyə qərarlıdır
-
“Rusiya gələcəyini Pekinə girov qoyub”
Yens Stoltenberq: “Ukraynanın yeganə dəstəkçisi ABŞ deyil”
İlbizin üstünə duz səpəndə necə əriyir ha, Britaniyanın baş naziri Boris Consonun Kiyevə gəlişi də Azərbaycandakı rusbaşları elə əritməkdədir. Qabaqlar buralarda nəsə yazırdılar, qızğın müzakirə başlayırdı, ukraynalıları müdafiə edənlərlə arqument davası açılırdı. Riyakar Qərbin böyük Rusiyanı yıxa bilməyəcəyi təbliğatı aparılırdı. İndi 10-15 “like”ları var, o da öz “kruq”larından.
Bu arada, dünəndən düşünürdüm ki, əcəba, bu 4-5 gündə Borispol hava limanını təmirmi etdilər, Boris bəyin uçağı ora endi? Araşdırdım, gördüm, yox, Rusiya raketləri oraları yararsız hala salıb və heç bir eniş zolağı işlək deyil. Qalırdı bir versiya - qatar. Səhər öyrəndim ki, doğru təxminmiş. Conson İngiltərədən Polşaya, oradan Ukrayna ərazisinə - Lvova keçib, qatarla Kiyevə gəlib.
Barış üçün yola çıxan Boris bu uzun və təhlükəli yolu keçə bildi. Rusiyanın bu səfəri pozmaq üzrə bütün cəhdlərinə baxmayaraq.
Baş nazirin Kiyevə səfər edəcəyi haqda anonsları 2 həftə öncə verilmişdi. Tarix açıqlanmırdı, təbii, amma bəlli idi ki, deyilibsə, gələcək. Yadınızda olar, bir neçə gün öncə Putler Lvov hava limanına da raket atmışdı, amma nə oldu? Hədəfə dəymədi. Rusların başına belə işlər tez-tez gəlir, bu ayrı məsələ. Görünür, Rusiyada səfərlə bağlı hansısa kəşfiyyat bilgisi olub, ya da elə ehtimal üzərindən hərəkət edərək Lvova raket göndərib təhlükəsizlik problemləri yaradaraq Consonu səfərdən daşındıracaqlarını hesablayıblar. Amma o hesab da tutmadı - Boris Conson dünən Kiyevin ortasında əlini belinə qoyub, Putlerə “sən idin buralara gələn?” mesajı göndərdi. Hələ arada Makrona da sataşdı))
Xarkovdan olduğunu bildirən ukraynalı xanım ona 2 “oyuncaq” xoruz uzadanda üzərinə basa-basa “I am from London” deyib onları aldı və birini Zelenskiyə verdi. Xoruzun fransızlarda simgə olduğunu bilməyən yoxdur. Savaş başlamazdan öncə Makronun Putleri dilə tutmaq üçün Moskvaya gedib möhkəm təhqir olunduğunu da. Putin dünyanın gözü qarşısında Fransa prezidentini yaxınına qoymadı - uzun masanın ayaq tərəfində oturtdu, salondan çıxanda arxasınca süründürdü… Conson isə Kiyevdə “oyuncaq xoruz”a - Makrona “I am from London”, yəni mən sən deyiləm, siyasət bax belə olar mesajı yolladı.
Rusiya indi başına dəyən diplomatik qapazın təsirindən ətrafda baş verənləri doğru alqılamayacaq. Bir az da hirslənəcək, atılıb-düşəcək, ora-bura raket saçacaq. Savaş ustası britaniyalılar çox gözəl bilirlər ki, düşməni məhv etməyin yollarından biri onu təbdən çıxarmaqdır - mütləq səhv edəcək. Elə o səhvin Rusiyaya daha baha başa gəlməsi, Ukraynanı işğal planı qurub soyqırım törətməyin necə böyük qələt olduğunu anlaması üçün Kiyevə vəd olunan ölümcül silahlar verilir. Onların içərisində dəniz savaşları üçün nəzərdə tutulan ən çağdaş silahlar da var. Demək, Rusiyanın Odessa xülyaları da suya düşdü, yaxınlarda Qara dəniz köpək balıqlarına rus donanmasının ətindən ziyafət veriləcək - təbii, hücum taktikasını davam etdirmək cəhdlərini dayandırmasalar.
Putin hərb savaşı kimi diplomatik savaşı da uduzub. Özü də biabırcasına. 72 saata Kiyevi alan Putler yerin altında qıvrılır, uçandan-qaçandan qorxduğu halda guya COVİD-dən ölən danışan dili Jirinovskinin meyitinin (əslində qırmızıyanaq kuklasının) qarşısında poz verir, İngiltərənin baş naziri isə Kiyevin Maydanında dolaşır, millətini bir an da tək qoymayan Ukrayna prezidenti Vladimir Zelenski ilə şəhər turuna çıxır.
Bütün bu müdhiş görüntülərin fonunda Rusiya, onun 5-ci kolonu ingilis duzunun təsiri ilə ilbiz kimi əriyir.
Az qaldı…
P.S. Telefonda birnəfəsə köşə yazmaqçün darıxmışdım.