Münhendə yerləşən avtomobil istehsalçısı “BMW Group”, əyləc sistemindəki problemlərə görə 1,5 milyon avtomobili geri çağıracağını açıqlayıb.

Şirkət 2024-cü maliyyə ili üçün gözləntilərinə düzəliş edib. 1,5 milyon avtomobilin əyləc sistemindəki problemlər səbəbiylə geri çağırılacağını açıqlayan şirkət, zəmanət xərclərində artım olacağını açıqlayıb. Bu açıqlamadan sonra “BMW”nin səhmlərində 11 faiz dən çox azalma olub.

“BMW” həmçinin Çində tələbin durğunluğu səbəbindən satışlarının azaldığını və istehlakçı tələbinin zəif qaldığını bildirib.

“BMW”də problemlər Avropanın ən böyük iqtisadiyyatı olan Almaniyada “Volkswagen”də böhranla bağlı xəbərdarlıqların və ölkədə sənayesizləşmə riskinin artdığı bir vaxtda baş verir.

Alman avtomobil istehsalçısı “Volkswagen” qənaət və xərclərin azaldılması tədbirlərinin bir hissəsi olaraq tarixində ilk dəfə Almaniyadakı fabriklərini bağlamağı düşünərkən, şirkət 30 illik məşğulluğun qorunması müqaviləsini vaxtından əvvəl ləğv edəcəyini təsdiqləyib.