vaxtlı-vaxtında oxuyun! Çərşənbə, 18 iyul 2018
ABŞ dolları 1 USD = 1.7000 AZN
Avro 1 EUR = 1.9874 AZN
Rusiya rublu 1 RUB = 0.0272 AZN
İngilis funt sterlinqi 1 GBP = 2.2514 AZN
Türk lirəsi 1 TRY = 0.3502 AZN
Şeyx Məhəmməd Xiyabani (1880 - 1920)

«Hər  bir millətin ləyaqətinin ilkin şərti müstəqillikdir»

Şeyx Məhəmməd Xiyabani (1880 - 1920)
CƏMİYYƏT  
23:05 | 2 iyun 2017 | Cümə Məqaləyə 997 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

KTN SOCAR-la yarışır?

...kəndlisi torpaqda çalışır
naziri göyə dırmaşır

MÖVZU İLƏ ƏLAQƏLİ

Kənd Təsərrüfatı Nazirliyi yeni inzibati binanın layihələndirilıməsi üzrə tender elan edib. Virtualaz.org saytı xəbər verir ki, bu barədə nazirliyin saytında elan yerləşdirilib. 10 mərtəbəli binanın tikintisi üçün təkliflər iyunun 20-dək təqdim olunmalıdır. Hələlik inzibati binanın hansı ərazidə olacağı bəlli deyil. Nazirlik yeni inzibati binanın tikintisinin zəruriliyini «müxtəlif ərazilərdə yerləşən strukturlarını bir yerə toplayaraq daha səmərəli fəaliyyət göstərmək məqsədi ilə əsaslandırır.

Son illər bir sıra nazirliklər  və dövlət şirkətləri üçün dəbdəbəli yeni inzibati binalar inşa olunub. Bunlardan ən məşhuru SOCAR-ın Bakıdakı 33 mərtəbəli göydələnidir. Habelə «Azərsu» Səhmdar Cəmiyyəti üçün yeni inzibati bina tikilib, Vergilər Nazirliyinin yeni binasının tikintisi davam edir.

Lakin Kənd Təsərrüfatı Nazirliyi SOCAR deyil və necə deyərlər «əli pulla oynamır», üstəlik elə sahəyə cavabdehdir ki, orada görülməli vacib işlər arasında nazirlik üçün yeni  inzibati binanın tikintisi yer almır. Bu nazirlik ilk növbədə iqtisadiyyatın neft asılılığından azaldılmasının mühüm istiqamətlərindən biri kimi kənd təsərrüfatının dirçəldilməsi ilə məşğul olmalıdır.

Kənd təsərrüfatının problemləri ilə məşğul olmaq üçün isə Bakıda yeni çoxmərtəbəli ofisdə rahat kreslolarda əyləşib kondisionerlərin altında sərinləmək əsas şərt deyil. Bunun üçün müntəzəm şəkildə kənd təsərrüfatı rayonlarına baş çəkmək, fermerlərin, kəndlilərin dərd-səri ilə yerində məşğul olmaq lazımdır. Başqa sözlə, nazirliyin rəhbər və digər məsul şəxsləri iş günlərinin çoxunu kəndlinin yanında, torpaqla təmasda keçirməlidir. Kənd Təsərrüfatı Nazirliyinin yerləşdiyi əzəmətli Hökumət Evi isə bu fəaliyyəti koordinasiya etmək üçün heç də əlverişsiz məkan sayılmaz.

O zaman on milyonlarla dollar xərcləyib nazirliyə yeni bina inşa etmək nə dərəcədə düzgün addımdır və bunun kənd təsərrüfatının inkişafına hansı birbaşa faydası ola bilər? Hansı ki, həmin kənd təsərrüfatında həmin milyonlara kəskin ehtiyacı olan çoxlu sahələr var. Məsələn, hər il dağlıq və dağətəyi rayonlarda əkin sahələrini məhv edib kəndlinin bütün əziyyətini heç edən doluya qarşı mübarizə üçün doludağıdan stansiyaların yaradılması kimi.

Üstəlik kənd təsərrüfatına hər il ayrılan yüz milyonlarla manatlıq dotasiyaya baxmayaraq bir çox sahələrdə tənəzzülü aradan qaldırmaq mümkün olmur.  «Ölkə özünün ətə olan təlabatının yalnız 38 faizini, südə olan təlabatın 50 faizini, yumurtaya olan təlabatın isə 55 faizi daxili istehsal hesabına ödəyir. Şəkərin, bitki yağının xammalı 95 faiz idxal olunur, çay idxalı isə 97 faiz təşkil edir. Kənd Təsərrüfatı Nazirliyi isə dövlət büdcəsi hesabına 10 mərtəbəli bina tikdirir», -kənd təsərrüfatı üzrə ekspert Vahid Məhərrəmli deyir.

Qeyd etmək lazımdır ki, Kənd Təsərrüfatı Nazirliyi son illərdə ən yaddaqalan fəaliyyəti kimi rayonlarda kənd təsərrüfatı idarələri üçün inzibati binaların tikintisinə dair statistikanı həvəslə təqdim edir. Məsələn, 2015-ci ildə nazir Heydər Əsədov 52 rayonda kənd təsərrüfatı idarələri üçün yeni inzibati binaların tikildiyini açıqlamışdı. Həmin binalara xərclənən pulların kənd təsərrüfatının inkişafına təsirini isə təəsüf ki, görmək mümkün deyil…


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *