vaxtlı-vaxtında oxuyun! Cümə, 15 dekabr 2017
ABŞ dolları 1 USD = 1.7001 AZN
Avro 1 EUR = 1.9983 AZN
Rusiya rublu 1 RUB = 0.0287 AZN
İngilis funt sterlinqi 1 GBP = 2.2653 AZN
Türk lirəsi 1 TRY = 0.4424 AZN
Əbülfəz Elçibəy (1938 - 2000)

«Dil uğrunda mübarizə millətin son - ölməmək mübarizəsidir»

Əbülfəz Elçibəy (1938 - 2000)
REGİON  
18:17 | 18 noyabr 2017 | Şənbə Məqaləyə 283 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Ermənistanda ordudan yayınanlara «güzəşt»

Cərimə ödəyib ölkəyə qayıda bilərsən

MÖVZU İLƏ ƏLAQƏLİ

Ermənistan parlamenti hərbi xidmət keçməmiş vətəndaşlarla bağlı qanuna düzəliş edir. Artıq parlamentdə birinci oxunuşda qəbul edilən düzəlişlərə görə, əgər vətəndaş xaricdədirsə, ordudan yayındığına görə axtarışa verilibsə, onun cinayət məsuliyyətindən azad edilərək Vətənə qayıtmasına bir şərtlə imkan yaradıla bilər.

1 dekabr 2017-ci ilə qədər 27 yaşı tamam olan şəxslərə hər buraxılan çağırışa görə 200 min dram, ümumilikdə isə 3 milyon 600 min dram (təxminən 7,4 min dollar) ödəməklə maneəsiz Vətənə qayıtmaq şansı veriləcək.

Azadlıq Radiosunun Ermənistan xidməti xəbər verir ki, bu düzəliş 2019-cu ilin sonuna qədər qüvvədə olacaq.

Xaricdəki gənclərin Vətənə qayıtmasına şərait yaratmaq üçün əvvəllər də sözügedən qanuna düzəlişlər edilib.

Amma Müdafiə Nazirliyi təklif edirdi ki, bu imkan sonuncu dəfə verilsin.

Düzəlişi müzakirə edən deputatlar qərara alıblar ki, «qapıları belə gənclərin üzünə bağlamaq olmaz» və gələcəkdə də onlara belə şans verilməlidir. Yəni gələcəkdə də belə düzəlişlər gündəmə gələ bilər.

Hakim partiyadan olan deputat Karine Açemyan deyib ki, bir çox gənclər Ermənistanı ailəsinin ağır durumuna görə tərk etməyə məcbur olublar, onları cərimə ödəyib Vətənə qayıtmaqdan məhrum etmək ədalətsizlik olardı.

Müdafiə Nazirliyi hər çağırışa görə cərimənin 500 min dram olmasını istəyirdi, amma deputatlar bu məbləği 2,5 dəfə azaldıblar. Onlar hesab edirlər ki, belə yüksək məbləğə görə gənclər Vətənə qayıtmaqdan birdəfəlik imtina edə bilərlər.

Müxalifətçi deputatlar isə parlamentdəki müzakirə zamanı bir məsələni aydınlaşdırmaq istəyiblər. Düzəlişin məqsədi gənclərin Vətənə qayıtmasına kömək etməkdir, yoxsa büdcəni doldurmaq?

Onlar hesab edirlər ki, əgər məqsəd gənclərin geri dönməsidirsə, onda ümumiyyətlə heç bir cərimə tətbiq olunmamalıdır.

Ermənistanın axtarışda olan 11 min vətəndaşının 86 faizi ordudan yayınanlardır.

Karine Açemyan isə deyib ki, əgər heç bir cərimə tətbiq olunmasa, onda dövlət bununla gənclərin xaricə axınını stimullaşdırmış olar.

«Bu insanlar qanunu pozublar, ona görə də axtarışa veriliblər», - deyib deputat.

Açemyan onu da bildirib ki, ordudan yayınanlarla bağlı qanunun tətbiqi nəticəsində indiyəcən büdcəyə 8 milyard dram (təxminən 16 milyon dollar) toplanıb və həmin məbləğ ordunun ehtiyacları üçün istifadə edilib.

Parlamentdəki müzakirəyə qatılan müdafiə nazirinin müavini Artak Zaxaryan isə deyib ki, onların məqsədi pul toplamaq deyil, düzəliş indi xaricdə olan gənclərə qarşı yönəlməyib. Sadəcə, nazirlik istəyir ki, əgər hansısa gənc gələcəkdə ordudan yayınmağı fikrindən keçirirsə, hesabını götürsün, bilsin ki, bunun yüksək cəriməsi olacaq.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *