ABŞ siyasətində “Göy dalğa”
Trampın qorxduğu və onu gözləyən kabus
Şahin CƏFƏRLİ
MÖVZU İLƏ ƏLAQƏLİ
-
“ABŞ-la vaxtaşırı görüşürük”
Əsəd: “Heç bir nəticə olmayacağını bilsək belə, cəhd edəcəyik”
-
Nyu-Yorkda siçovul böhranı
Leptospiroz xəstəliyinə yoluxanların sayında ciddi artım var
-
Nüvə müharibəsinə hazırlıq qızışır
ABŞ yeni döyüş başlığının istehsalına başlayır
-
Çinə qarşı kiber hücum ittihamı
Hakerlər ABŞ-ı susuz və enerjisiz qoymağa çalışıblar
-
95 milyard dollarlıq yardım
ABŞ Ukrayna, İsrail və Tayvana fantastik məbləğ ayırdı
-
Təyyarəsi yenə xarab oldu
NATO toplantısına maşınla getdi
-
Amerika seçicisi balans istəyir
Sorğuda respondentlərin əksəriyyəti “dünya siyasətinə daha az qarışılmasına” tərəfdardır
-
“Onlar insan deyil”
Tramp ölkədəki qeyri-qanuni mühacirləri hədəfə alıb
-
ABŞ terrordan qabaq işarə vermişdi
Putin qeyri-qanuni miqrasiyaya qarşı təhlükəsizlik tədbirlərinin artırılmasını əmr edib
-
“ABŞ seçkiyə kölgə saldı”
Nikolas Maduro: “Vaşinqtonda əsəblər gərgindir”
-
Vaşinqton və “boz ərazi”
Bayden administrasiyasının heç vaxt dəqiq strategiyası olmayıb
-
“Əlaqələr kəsilməməlidir”
ABŞ və Çin arasında kritik görüş – “Tayvan qırmızı xətdir”
-
5 milyard ödəyəcək
“Google” təzminat iddialarını qəbul edib
-
“Lego”dan ABŞ polisinə etiraz
Şübhəlilərin üzünün örtülməsinə görə ....
-
NATO-ya qadın başçı
Dünyanın ən güclü hərbi ittifaqına qatı antirusiyaçı, keçmiş SSRİ vətəndaşı rəhbərlik edəcək
-
“Havana sindromu” – sirr pərdəsi aralanır
Dünyanın səbirsizliklə gözlədiyi hesabat dərc olundu
Sabah ABŞ-da çox mühüm seçkilər keçiriləcək. Nümayəndələr Palatası tamamilə (435 yer), Senatın isə üçdə biri (35 yer) yenilənəcək, 36 ştatda qubernator seçkisi olacaq.
ABŞ-ın siyasi tarixi göstərir ki, ara seçkilərdə adətən prezidentin partiyası uduzur. (Təbii ki, istisnalar da var.) Amma Tramp gəldikdən bəri iqtisadi inkişafın sürətlənməsi respublikaçıları ümidləndirən əsas amildir. Ötən cümə günü açıqlanan rəqəmlərə görə, ölkədə işsizlik 3,7 faizə enib və bu, 1969-cu ildən bəri ən yaxşı göstəricidir. Oktyabr ayında qeyri-aqrar sektorda 250 min yeni iş yeri yaradılıb. Bir saatlıq qazanc aylıq ortalama 0,2 faiz, illik 3,1 faiz artaraq 2009-cu ildən bəri ilk dəfə 3 faizin üzərinə çıxıb. Tramp seçki kampaniyası boyunca iqtisadiyyatdakı bu pozitiv dinamika ilə qürrələnməklə yanaşı, Honduras-Meksika marşrutu ilə ABŞ sərhədlərinə yaxınlaşan miqrantlarla bağlı problemi də diqqət mərkəzində saxlayaraq öz seçicilərini bu qorxu ətrafında səfərbər etməyə çalışdı, onları səsvermədə fəal iştiraka çağırdı.
Hazırda Konqresin hər iki palatasına respublikaçılar nəzarət edir. İqtisadiyyatdakı müsbət gəlişmələrə baxmayaraq, ənənəyə uyğun olaraq sabahkı seçkidə müxalifətin Nümayəndələr Palatasına nəzarəti ələ keçirəcəyi proqnozlaşdırılır. Bunun üçün demokratlara mövcud yerlərini qoruyub 23 əlavə mandat qazanmaq lazımdır. Senatda isə respublikaçıların öz üstünlüklərini mühafizə edəcəyi gözlənilir. Çünki respublikaçılar hazırkı qüvvələr nisbətini davam etdirmək üçün Senatda cəmi 9 kreslonu qorumalı olduğu halda, demokratlar qalib gəlmək üçün 26 yeri qorumalı, üstəlik əlavə 2 yer qazanmalıdır, bu isə imkansız görünür.
Amma aşağı palatanı itirmək Trampa baha başa gələ bilər. Əgər proqnozlar özünü doğrultsa və “göy dalğa” baş versə, bu, o deməkdir ki, konservativ gündəmi yeritmək mümkün olmayacaq, Tramp istənilən qanunvericilik təşəbbüsü üçün demokratlarla məsləhətləşib anlaşmaq məcburiyyətində qalacaq. Demokratlar prezident haqqında müxtəlif araşdırma komissiyaları yaradıb, onu daimi basqı altında saxlamağa, 2020-ci il prezident seçkiləri öncəsi onu nüfuzdan salmağa çalışacaq. Xüsusi prokuror Müllerin təhqiqatı ciddi nəticələr oraya qoyarsa, impiçment məsələsi də gündəmə gələ bilər.
Beynəlxalq siyasət baxımından Trampın mövqelərinin zəifləməsi təbii ki, ən çox Çini və İranı sevindirəcək. Lakin Rusiya üçün demokratların qələbəsi arzuolunmazdır. Bu halda Rusiyaya qarşı sanksiyaların ağırlaşdırılması yönündə təşəbbüslər əvvəlkindən daha tez müddətdə gerçəkləşəcək, Ukrayna və Gürcüstana dəstək daha da artacaq.