vaxtlı-vaxtında oxuyun! Bazar, 5 aprel 2020
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Məhəmməd Hüseyn Şəhriyar (1906 - 1988)

«Səndən uzaq düşsəm də
mən eşqin ilə yaşayıram, 
Yaralanmış qəlbim kimi
qəlbi viran Azərbaycan.»

Məhəmməd Hüseyn Şəhriyar (1906 - 1988)
CƏMİYYƏT  
15:23 | 9 mart 2020 | Bazar ertəsi Məqaləyə 111 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Paytaxt rozaları

Ay alan, məm… ləkəti rey satıram - Ləman Ələşrəfqızı feministlərin aksiyasından yazdı

Ləman ƏLƏŞRƏFQIZI

8 mart gəldi və getdi. Dünyanı bürüyən koronavirus belə bu bayramın möhtəşəmliyinə kölgə sala bilmədi. Yenə alan aldı, satan satdı. Müxtəlif hədiyyələr – ətir , çiçək, gül bağışlandı qadınlara… Biri zanbaq, biri tülpan, biri roza…

Amma mən bu gün sizə Bakı küçələrinə səpələnən, əllərindəki  plakatlarda qurşaqdan aşağı və yuxarı nahiyələrini satışa çıxaran rozalardan danışacam. Əstəğfirullah, pis başa düşməyin. Rozalar deyəndə, Roza Lüksemburqun davamçılarını nəzərdə tuturam. Tarixdən xatırlayırsız da gərək ki, o xanımı.

8 Martın dünyada  bayram kimi  qeyd edilməsi ideyasının  müəllifi sayılan  Klara Setkinin rəfiqəsini deyirəm. Məsləkdaşları onu “sosialist  bacı” deyə çağırırdılar. Avropada ən fəal kommunist hərəkatının üzvü olan Roza rəfiqəsi Klara kimi insan hüquq və azadlıqlarının aktiv müdafiəsçisiydi. Yəni dediyim bu ki,  100 il sonra  Bakının küçələrində 8 mart günü qadınlara azadlıq tələb edən rozalar həmin Roza Lüksemburqun sələfləridir. Olsun! Burda pis və ya qəbahət sayılacaq  heç nə yoxdur. Pis və qəbahət sayılacaq yeganə şey bizim rozaların sarsaq davranış və şüarlarıdır. Heç  günü bu gün də Lüksemburqda  müasir rozalar belə şüarlarla küçəyə çıxmırlar, bizimkilərin isə   ideya və fantaziyaları Bakının göbəyində-Fəvvarələr Meydanında fontan vurdu. Qızlarımız hər şeyini satışa  çıxardılar. Sanki Azadlıq bu imiş kimi! Sanki Demokratiya bu imiş kimi! Sanki əxlaq bu imiş kimi! Sanki Qərb və ya Avropa mədəniyyəti bu imiş kimi! Əslində isə qızların özünü açıb çölə qoymasının demokratiyanın D-si ilə belə yaxından-uzaqdan əlaqəsi yox idi. Ümumiyyətlə, özünü  feminist adlandıranların davranışlarındakı açıq-saçıqlıq nəyin təzahürü idi, onlar nə istəyirdilər, niyə belə şüarlarla özlərini  rüsvay etdilər, anlamaqda çətinlik çəkirəm.

Maraqlıdır ki, hətta iştirakçılardan biri də nə istədiyini düzüb-qoşa, quraşdıra bilmədi. Tələbiniz nədir sualına-“bilmirəm” cavabı verdi bir hicablı feminist. Bəli, bəli məhz hicablı!

Allah sənə rəhmət elsin, Mirzə Ələkbər. hələ 1 əsr əvvəl yazırdın:

 

Mağazamda tapılır hər cürə zad:
Cami-Cəm, rəyəti-Key, təxti-Qübad;
Gərçi bazarımı etməkdə kəsad
Səy edir bir para İrani nəjad,
Leyk mən baxmayıram, hey satıram!
Ay alan! Məmləkəti-Rey satıram!

 

Ustad, bu gedişlə bizim məmləkət də dövrünün Rey şəhəri kimi əldən gedəcək. Sabah ana olacaq qızlarımızın əldən gedən  mə…..ləri və nələri  kimi.

Sosial şəbəkədə bir Türkiyə vətəndaşının rəyi bir millət təəssübkeşi olaraq məni lap sarsıtdı . Gök Börü adlı biri 8 Marş aksiyasının qəhrəmanlarına belə bir rəy  yazmışdı: “Tipik azeri kadını. Sakın Türkiyeye gelip de vermiyin, orda kalın.”

Heyf səndən Azərbaycan qadını. Sən ötən əsrin əvvəlində Osmanlıya ilk qadın vəkil kimi Sürəyya Ağaoğlunu vermişdin… İndi Gö. Börülər üstümüzə böyürürlər. Yazıq, çox yazıq.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *
 
 

MÜƏLLİF

ANKET

Hökümətin ölkədə hansı sahəyə diqqətinin artırılmasını istərdiniz?

  • Elm-təhsil
  • Səhiyyə
  • Sosial Müdafiə
  • Ekologiya, təbii sərvətlər
  • Müdafiə-təhlükəsizlik
  • Mədəniyyət, incəsənət, ədəbiyyat
  • Kənd təsərrüfatı, aqrar sənaye
  • Sahibkarlıq, sənaye (zavod, fabrik)