ABŞ-dan Poroşenkoya jest
Senat Rusiyaya qarşı yeni sanksiyaları tətbiq edəcək sənədi təsdiqlədi
Şahin CƏFƏRLİ
MÖVZU İLƏ ƏLAQƏLİ
-
“ABŞ-la vaxtaşırı görüşürük”
Əsəd: “Heç bir nəticə olmayacağını bilsək belə, cəhd edəcəyik”
-
“Yenilməz batareya” məhv oldu
Ukrayna ordusu Krımdakı “S-400”lərin birini vurub
-
Nyu-Yorkda siçovul böhranı
Leptospiroz xəstəliyinə yoluxanların sayında ciddi artım var
-
“Özünü müdafiə hüququ çərçivəsindədir”
NATO Ukraynanın Rusiya ərazisini bombalamağa yaşıl işıq yandırıb
-
Nüvə müharibəsinə hazırlıq qızışır
ABŞ yeni döyüş başlığının istehsalına başlayır
-
Çinə qarşı kiber hücum ittihamı
Hakerlər ABŞ-ı susuz və enerjisiz qoymağa çalışıblar
-
95 milyard dollarlıq yardım
ABŞ Ukrayna, İsrail və Tayvana fantastik məbləğ ayırdı
-
Təyyarəsi yenə xarab oldu
NATO toplantısına maşınla getdi
-
“NATO həmişəkindən daha güclüdür”
“Ukrayna müharibəsi təhlükəsizliyin regional deyil, qlobal olduğunu göstərdi”
-
Amerika seçicisi balans istəyir
Sorğuda respondentlərin əksəriyyəti “dünya siyasətinə daha az qarışılmasına” tərəfdardır
-
Ukraynada çağırış yaşı aşağı salındı
Zelenski uzun müddətdir yubatdığı qanunu imzaladı
-
“Onlar insan deyil”
Tramp ölkədəki qeyri-qanuni mühacirləri hədəfə alıb
-
“Kerç partlayacaq”
Ukrayna müharibədə bütün balanslar dəyişməyə qərarlıdır
-
“Rusiya gələcəyini Pekinə girov qoyub”
Yens Stoltenberq: “Ukraynanın yeganə dəstəkçisi ABŞ deyil”
-
ABŞ terrordan qabaq işarə vermişdi
Putin qeyri-qanuni miqrasiyaya qarşı təhlükəsizlik tədbirlərinin artırılmasını əmr edib
-
“ABŞ seçkiyə kölgə saldı”
Nikolas Maduro: “Vaşinqtonda əsəblər gərgindir”
ABŞ Senatında Rusiyaya qarşı yeni sanksiya sənədi qəbul edildi. Sənəd İrana qarşı sanksiyalar barədə qanun layihəsinə düzəliş şəklində əlavə olunub.
Düzəlişdə iki önəmli məqam var. Birincisi odur ki, Rusiyaya qarşı Obama dövründə icra hakimiyyəti səviyyəsində (prezident fərmanları ilə) tətbiq olunmuş qısamüddətli sanksiyalar qanun şəklinə salınır. Yəni, bu qanun qüvvəyə mindikdən sonra ABŞ prezidenti sanksiyaları yumşalda və ya ləğv edə bilməyəcək, bunun üçün Konqresin icazəsi lazım olacaq. Adətən qanunvericilik qaydasında tətbiq olunan sanksiyaların ləğvi çox çətin olur və bu sanksiyalar onillərlə davam edir. (SSRİ-yə qarşı 1974-cü ildə qəbul edilmiş Cekson-Venik düzəlişini xatırlatmaq yetərlidir. Bu qanun SSRİ dağıldıqdan sonra da qüvvədə qaldı və yalnız 2012-ci ildə ləğv edildi, dərhal da yerinə “Maqnitski Aktı” qəbul olundu.)
İkincisi önəmli məqam Rusiya iqtisadiyyatının indiyədək sanksiyalardan kənarda qalmış lokomotiv sahələrinə sanksiyaların tətbiqinin nəzərdə tutulmasıdır. Belə ki, düzəlişdə dağ-mədən, metallurgiya sənayesi, dəniz və dəmir yolu nəqliyyatı, ixrac neft-qaz kəmərləri, şist yataqlarının və Arktik şelfdəki neft yataqların işlənməsi ilə bağlı sanksiyaların tətbiqi əksini tapıb. Maliyyə Nazirliyinə tapşırılır ki, bu sahələrdə fəaliyyət göstərən Rusiya şirkətlərinin siyahısını tərtib etsin.
Bundan başqa, Senat Maliyyə Nazirliyinə, Dövlət Departamentinə və Milli Kəşfiyyat direktoruna tapşırır ki, insan haqları pozuntularında, Suriya rejiminə silah verilməsində, dövlət səviyyəsində kiberhücumlarda, dövlət aktivlərinin qanunsuz özəlləşdirilməsində, Rusiya kəşfiyyat və müdafiə sektorları ilə biznes aparan, sanksiyalardan yayınmağa çalışan, korrupsiya fəaliyyətində əli olan şəxslərin, o cümlədən Putinə yaxın oliqarxların (eləcə də bu məsələlərdə rolu olan qeyri-Rusiya vətəndaşlarının) siyahısını müəyyənləşdirsin. Onlara qarşı da sanksiyalar tətbiq olunacaq.
Qanun Nümayəndələr Palatasında qəbul edildikdən və prezidentin imzasından sonra qüvvəyə minəcək. Böyük üstünlüklə (97 lehinə, 2 əleyhinə) və ikipartiyalı konsensus əsasında qəbul edildiyi üçün Trampın sənədə veto qoymasının bir anlamı qalmır. Üstəlik, Rusiyaya qarşı düzəliş İran əleyhinə sanksiyalarla bağlı qanunun tərkibində olduğu üçün veto qoymaq asan deyil.
Gələn həftə Petro Poroşenko ABŞ-a rəsmi səfər edəcək. Bu qanunu səfər ərəfəsində Ukraynaya jest kimi də qiymətləndirmək mümkündür.