Rusiya Balkanları itirir
Yaxud Avropadakı «soyuq müharibə» haqqında...
Şahin CƏFƏRLİ
MÖVZU İLƏ ƏLAQƏLİ
-
“Yenilməz batareya” məhv oldu
Ukrayna ordusu Krımdakı “S-400”lərin birini vurub
-
“Özünü müdafiə hüququ çərçivəsindədir”
NATO Ukraynanın Rusiya ərazisini bombalamağa yaşıl işıq yandırıb
-
95 milyard dollarlıq yardım
ABŞ Ukrayna, İsrail və Tayvana fantastik məbləğ ayırdı
-
Təyyarəsi yenə xarab oldu
NATO toplantısına maşınla getdi
-
“NATO həmişəkindən daha güclüdür”
“Ukrayna müharibəsi təhlükəsizliyin regional deyil, qlobal olduğunu göstərdi”
-
Ukraynada çağırış yaşı aşağı salındı
Zelenski uzun müddətdir yubatdığı qanunu imzaladı
-
“Kerç partlayacaq”
Ukrayna müharibədə bütün balanslar dəyişməyə qərarlıdır
-
“Rusiya gələcəyini Pekinə girov qoyub”
Yens Stoltenberq: “Ukraynanın yeganə dəstəkçisi ABŞ deyil”
-
ABŞ terrordan qabaq işarə vermişdi
Putin qeyri-qanuni miqrasiyaya qarşı təhlükəsizlik tədbirlərinin artırılmasını əmr edib
-
Dezinformasiya yayanlara sanksiya
Fransa XİN Rusiya şirkətlərini hədələdi
-
Rusiya ordusunda kritik dəyişiklik
Hərbi Dəniz Qüvvələrinə və Qara Dəniz Donanmasına iki təyinat
-
Tanekoya PUA zərbələri
Ukrayna Rusiyanın əsas neft emalı zavodunu vurdu
-
NATO-ya qadın başçı
Dünyanın ən güclü hərbi ittifaqına qatı antirusiyaçı, keçmiş SSRİ vətəndaşı rəhbərlik edəcək
-
Rusiyaya PUA hücumu
“Shaded-136”lar istehsal olunan zavodda partlayış baş verib
-
150 minlik ordu
Rusiyada növbəti səfərbərlik üçün yaş həddi artırıldı
-
“Qətliam olacaq”
“85 il əvvəl 200 min rus əsgərini öldürmüşdük”
Rusiya xüsusi xidmət orqanları ötən ilin oktyabrında Monteneqroda (Çernoqoriya) yerli rusiyameylli «Demokratik Cəbhə» və millətçi serblərin (çetniklər) əli ilə dövlət çevrilişinə cəhd etmişdi. Məqsəd qərbyönlü hökuməti devirərək ölkənin NATO-ya üzvlüyünü əngəlləmək idi. (Monteneqronun NATO-ya üzvlük prosesi artıq son mərhələdədir və bu il yekunlaşacaq.)
Yerli hüquq-mühafizə orqanları Qərb xüsusi xidmətlərinin köməyi ilə çevrilişin qarşısını aldılar, lakin əməliyyatı idarə edən Rusiya kəşfiyyatının 2 zabiti qaça bildi.(Adları məlumdur.) Hazırda prokuror Milvoy Katniç bu işin istintaqını davam etdirir və onun təqdimatı əsasında Rusiya kəşfiyyatı ilə əlaqəsi olan bəzi deputatlar toxunulmazlıqdan məhrum edilib.
Bu gün məlum olub ki, Katniçə qarşı sui-qəsd hazırlanıbmış. Bu barədə Monteneqro hökumətinə başqa ölkələrin (güman ki, yenə Qərb) xüsusi xidmət orqanları məlumat ötürüblər və sui-qəsdi həyata keçirəcək Serbiya vətəndaşı yaxalanıb.
Bəs Monteneqro kimi balaca bir ölkə Rusiya üçün niyə bu qədər önəmlidir? Xəritəyə baxanda bunun səbəblərini anlamaq olur. Məsələ burasındadır ki, Monteneqro NATO-ya qəbul olunduqdan sonra yaxın gələcəkdə Bosniya-Herseqovinanın da bu hərbi-siyasi ittifaqa qoşulması ilə Aralıq dənizi hövzəsinin önəmli tərkib hissəsi olan Adriatik dənizi tamamilə NATO ölkələrinin əhatəsində qalaraq bir NATO gölü halına gələcək və Rusiyanın üzünə bağlanacaq.
İkincisi, Monteneqro, eləcə də Bosniya-Herseqovina və Makedoniyanın NATO-ya üzvlüyündən sonra Rusiyanın Balkanlarda yeganə müttəfiqi olan Serbiya dörd bir yandan NATO ölkələrinin əhatəsində qalacaq. Dənizə çıxışının olmaması da nəzərə alınarsa, bu durumda Serbiyanın Rusiya ilə müttəfiqliyi davam etdirərək Qərbə arxa çevirməsinin hər hansı anlamı qalmayacaq, bu müttəfiqliyin strateji əhəmiyyəti xeyli azalacaq. Böyük ehtimalla ölkə Avropa Birliyi və NATO-ya qoşulacaq, bu isə Rusiyanın Balkanları tamamilə itirməsi deməkdir. Təsadüfi deyil ki, Rusiya hazırda Bosniya Serb Respublikasında fəal iş aparır və Makedoniya daxilində makedonlarla albanlar arasında konflikt yaratmağa çalışır. Yaxın vaxtlarda bu regionda yeni gərginliklərin yarandığını eşitsəniz, təəccüblənməyin.
Yekun: Avropada «soyuq müharibə» yeni vüsət alıb və Rusiya bütün cəbhələrdə müqavimət göstərir.