vaxtlı-vaxtında oxuyun! Bazar, 22 oktyabr 2017
ABŞ dolları 1 USD = 1.7001 AZN
Avro 1 EUR = 2.0087 AZN
Rusiya rublu 1 RUB = 0.0296 AZN
İngilis funt sterlinqi 1 GBP = 2.2277 AZN
Türk lirəsi 1 TRY = 0.4644 AZN
Barış Manço (1943 - 1999)

«İnsanlar hər zaman qəhrəman ola bilməzlər, ama hər zaman insan ola bilərlər»

Barış Manço (1943 - 1999)
GÜNDƏM  
10:59 | 12 oktyabr 2017 | Cümə axşamı Məqaləyə 230 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Dovşana qaç, tazıya tut siyasəti

Moskva İrəvana daha 100 milyon dollar kredit verir

Şahin CƏFƏRLİ

MÖVZU İLƏ ƏLAQƏLİ

Rusiya Ermənistana yeni müasir silahlar almaq üçün daha 100 milyon dollar güzəştli kredit ayıracaq.

Bilirsiniz ki, ötən ilin aprelindəki döyüşlərdən sonra Rusiya Ermənistana eyni məqsədlə 200 milyon dollar vermişdi. Bu kredit razılaşması həyata keçirildi, indi yəqin Ermənistan ordusunun silahlanma səviyyəsinə görə hələ də Azərbaycandan geri qaldığını düşündükləri üçün paritet yaradırlar, yaxud Ermənistan bu cür düşündüyü üçün paritetə nail olmaq istəyir. (Dovşana qaç, tazıya tut siyasəti.) Eyni zamanda, Rusiya bu tip razılaşmalarla Ermənistanı daha sıx özünə bağlayır və onun nə vaxtsa ovcundan uçub Qərbə tərəf getməsinin önünü möhkəm-möhkəm tıxayır. (Bizdə hələ də Ermənistanın Rusiyanın Qafqaz və Yaxın Şərq siyasəti baxımından nə qədər böyük strateji əhəmiyyətə malik məntəqə olduğunu anlamayanlar var.)

Gəlin, özümüzü aldatmayaq. Hazırkı şəraitdə Dağlıq Qarabağ münaqişəsinin hərbi yolla həlli ehtimalı sıfırdır. Yalnız Rusiyanın nəzarətində və onun maraqlarına xidmət edən qısammüddətli, lokal toqquşmalar mümkün ola bilər. Hazırkı şəraitdə münaqişənin sülh yolu ilə ədalətli, yəni bizim xeyrimizə həlli də mümkün deyil. Və ən faciəlisi odur ki, üzərindən 26 il keçdikdən sonra bu gün Azərbaycanın müstəqilliyinə və təhlükəsizliyinə zərrə qədər də təminat yoxdur. Rəngləri tündləşdirməyi xoşlamıram, amma bu gün Azərbaycan dövlətinin taleyinin tükdən asılı vəziyyətdə olduğunu söyləmək mübaliğə deyil, acı gerçəklikdir. Bizim üçün tamamilə dalan vəziyyəti yaranıb və aparılan bu yanlış siyasətlə çıxış yolu tapmaq da imkansızdır.

Ermənistan-Rusiya münasibətlərinə yenidən qayıdaraq hazırda işğalçı ölkənin ərazisində Kollektiv Təhlükəsizlik Müqaviləsi Təşkilatının (KTMT) geniş hərbi təlimlərinin keçirildiyini də xatırlatmaq istərdim. Lakin Azərbaycan susur. Yəqin yeni silah anlaşmasına da XİN mətbuat xidməti adından quru bəyanatla münasibət bildirib, üstündən keçəcəklər. Halbuki Rusiyanın etdiklərini ABŞ və Avropa etsəydi, indi yeri-göyü inlədirdilər.

Cənablar, Avropa Şurasına göstərdiyiniz etirazın heç olmasa, yüzdə birini Rusiyaya da göstərin...


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *
 
 

MÜƏLLİF

ANKET

Hökümətin ölkədə hansı sahəyə diqqətinin artırılmasını istərdiniz?

  • Elm-təhsil
  • Səhiyyə
  • Sosial Müdafiə
  • Ekologiya, təbii sərvətlər
  • Müdafiə-təhlükəsizlik
  • Mədəniyyət, incəsənət, ədəbiyyat
  • Kənd təsərrüfatı, aqrar sənaye
  • Sahibkarlıq, sənaye (zavod, fabrik)