vaxtlı-vaxtında oxuyun! Çərşənbə axşamı, 23 yanvar 2018
ABŞ dolları 1 USD = 1.7001 AZN
Avro 1 EUR = 2.0780 AZN
Rusiya rublu 1 RUB = 0.0300 AZN
İngilis funt sterlinqi 1 GBP = 2.3571 AZN
Türk lirəsi 1 TRY = 0.4447 AZN
Mustafa Kamal Atatürk (1881 - 1938)

«Türk oğlu əcdadını tanıdıqca, daha böyük işlər görmək üçün özündə güc tapacaq»

Mustafa Kamal Atatürk (1881 - 1938)
TOP OYUNLARI  
19:36 | 11 dekabr 2017 | Bazar ertəsi Məqaləyə 276 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

«Bizim konkret büdcəmiz var»

Ayxan Abbasov: «Bunun əsasında işləyəcəyik»

MÖVZU İLƏ ƏLAQƏLİ

Azərbaycan kubokunun 1/4 final mərhələsinin ilk oyununda evdə «Neftçi»ni minimal hesabla məğlub edən «Zirə»nin baş məşqçisi Ayxan Abbasov oyunsonrası mətbuat konfransında jurnalistlərin suallarını cavablandırıb. Komanda.az xəbər verir ki, Abbasov əvvəlcə oyunla bağlı fikirlərini bildirib:

- Maraqlı oyun oldu. Hər iki komanda qalib gəlmək istəyirdi. Zədə səbəbindən bir neçə futbolçu kənarda qalmışdı. Ancaq şans verdiyim oyunçular onları layiqincə əvəz etdi. Cavab oyunundan öncə vaxtımız azdı. Futbolçularıma inanıram. Onların əzmkarlığı məni sevindirir.

 

- «Neftçi»nin bu gün cəmi bir legionerlə meydana çıxması sizi təəccübləndirmədi ki?

- Bizdə də 4 legioner var idi. «Neftçi»nin futbolçuları millinin üzvüdür. Məncə, legioner az olsa da, güclü heyət idi.

 

- «Neftçi»nin «Zirə» sindromu olduğu deyilir…

- Bu barədə düşünmürəm. Belə şeylər mənim üçün adidi. Ola bilsin, iki komanda arasında oyun gərgin keçsin. «Qəbələ» ilə oyunlarımız da gərgin keçir. «Neftçi» ilə bir-birimizə yaxın rəqiblərik. Ola bilsin, buna görə, oyun gərgin keçir.

 

- Tərlan Əhmədov dedi ki, hər şeyə cavab oyununda aydınlıq gələcək…

- Normal qəbul edirəm, mərhələ keçmək istəyirlərsə, qalib gəlməlidilər.

 

- Komandadan kimlərsə göndəriləcək. Manqanın komandadan gedəcəyi deyilir…

- Hələ bir oyunumuz var. Bu oyundan sonra fikirləşəcəyik. Hazırda bu barədə düşünməyə vaxtımız yoxdur.

 

- Sizcə, 1:0 hesablı qələbə növbəti mərhələyə keçmək üçün kifayətdir?

- Bu gün başqa hesab da ola bilərdi. İstənilən halda, hər şeyə cavab oyununda aydınlıq gələcək.

 

- Qış planınız hazırdı?

- Bəli, yaxınlarda bu barədə rəsmi açıqlama olacaq. O ki qaldı transferlərə, bu barədə rəhbərliklə danışacağıq. Ola bilsin, hansısa futbolçu klubundan ayrılsın və onu heyətə cəlb edək. Bizim konkret büdcəmiz var. Bunun əsasında işləyəcəyik.

 

- «Neftçi»nin futbolçusu Fəhmin Muradbəyli yerdə qaldığı zaman oyunu davam etdirən, lakin sonra topu auta çıxaran Vüsal İsgəndərliyə etiraz etdiz. Bu etiraza səbəb nə idi? Onun oyunu davam etdirməsi, yoxsa topu çıxarmaması?

- Topu çıxarmamasına etiraz etdim. Həmin epizodda topu «Neftçi»nin oyunçuları çıxarmalı idi. Lakin onlar oyunu davam etdirdilər. Daha sonra Vüsal da topu ələ keçirib, oyunu davam etdirdi. Rəqib futbolçu çox ciddi zədələnmişdi. Belə epizodda topu tez çıxarmalı idi. Bir qədər sərt etiraz etməyimə səbəb bu idi.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *