«Təəcüblü heç nə yoxdur»
Oliqarxların uşaqları hakimiyyətə necə hazırlanır?
MÖVZU İLƏ ƏLAQƏLİ
-
“Yenilməz batareya” məhv oldu
Ukrayna ordusu Krımdakı “S-400”lərin birini vurub
-
“Özünü müdafiə hüququ çərçivəsindədir”
NATO Ukraynanın Rusiya ərazisini bombalamağa yaşıl işıq yandırıb
-
95 milyard dollarlıq yardım
ABŞ Ukrayna, İsrail və Tayvana fantastik məbləğ ayırdı
-
“NATO həmişəkindən daha güclüdür”
“Ukrayna müharibəsi təhlükəsizliyin regional deyil, qlobal olduğunu göstərdi”
-
Ukraynada çağırış yaşı aşağı salındı
Zelenski uzun müddətdir yubatdığı qanunu imzaladı
-
“Kerç partlayacaq”
Ukrayna müharibədə bütün balanslar dəyişməyə qərarlıdır
-
“Rusiya gələcəyini Pekinə girov qoyub”
Yens Stoltenberq: “Ukraynanın yeganə dəstəkçisi ABŞ deyil”
-
ABŞ terrordan qabaq işarə vermişdi
Putin qeyri-qanuni miqrasiyaya qarşı təhlükəsizlik tədbirlərinin artırılmasını əmr edib
-
Dezinformasiya yayanlara sanksiya
Fransa XİN Rusiya şirkətlərini hədələdi
-
Rusiya ordusunda kritik dəyişiklik
Hərbi Dəniz Qüvvələrinə və Qara Dəniz Donanmasına iki təyinat
-
Tanekoya PUA zərbələri
Ukrayna Rusiyanın əsas neft emalı zavodunu vurdu
-
Rusiyaya PUA hücumu
“Shaded-136”lar istehsal olunan zavodda partlayış baş verib
-
150 minlik ordu
Rusiyada növbəti səfərbərlik üçün yaş həddi artırıldı
-
“Qətliam olacaq”
“85 il əvvəl 200 min rus əsgərini öldürmüşdük”
-
“Havana sindromu” – sirr pərdəsi aralanır
Dünyanın səbirsizliklə gözlədiyi hesabat dərc olundu
-
Ukraynaya 1,5 tonluq bomba atıldı
SSRİ zamanı istehsal Termobarik raket döyüşdə ilk dəfə istifadə olunur
Rusiyada Kremlə yaxın oliqarxların törəmələrindən ibarət yeni elita yetişir. Virtualaz.org xəbər verir ki, bu barədə Vaşinqtonda mənzillənən Atlantic Council-in baş elmi əməkdaşı Anders Auslundun «Project Syndicate»də dərc edilmiş məqaləsində deyilir.
Məqalədə deyilir ki, Putinin hakimiyyətə gəlişindən sonra Yeltsin dövrünün oliqarxları bir-biri sıradan çıxarıldıqları kimi onların törəmələri də tədricən Rusiyanı tərk etdilər. Onların yerini isə hazırda Kremlə yaxın oliqarxların törəmələri tutur. Belələrinin bir çoxu heç 40 yaşlarını haqlamadan milyarderə çevriliblər. Oliqarxların uşaqları ali məktəbləri bitirən kimi dərhal iri şirkətlərdə və dövlət korporasiyalarında yüksək vəzifələr tuturlar. Bir-iki pillə yüksələndən sonra vitse-prezident vəzifəsi və ya rəhbərliyə yaxın olan digər postlar əldə edirlər.
Məsələn, Rusiyanın ən iri oliqarxlarından biri, milyarder Arkadi Rotenberqin böyük oğlu İqor «Qazprom qazma» şirkətinin majoritar səhmdarıdır. İkinci oğlu Roman isə «Qazprombank»ın vitse-prezidentidir. «Bank Rossiya»nın rəhbəri, oliqarx Yuri Kovalçukun oğlu isə dövlət mülkiyyətində olan «İnter RAO» energetika holdinqinin rəhbəri olub.
Putinin KQB-dən olan dostlarının törəmələri də bu cür başgicəlləndirici karyeraya malikdir. Məsələn, prezident administrasiyasının eks-rəhbəri, general Sergey İvanovun oğlu 25 yaşında «Qazprombank»ın vitse-prezidenti olub, bu ilin martında isə cəmi 36 yaşında «Alrosa» dövlət almaz korporasiyasının prezidenti kreslosunda oturub.
«Rosneft» dövlət şirkətinin prezidenti, «boz kardinal» İqor Seçinin oğlu cəmi 25 yaşı olsa da atasının şirkətində departament direktorunun müavini təyin edilib. Ona baxanda FTX direktoru Aleksandr Bortnikovun 37 yaşında VTB-Bankın idarə heyətində yer alan oğlu Denis əməlli-başlı «yaşlı, müdrik» adamdır.
Auslund qeyd edir ki, Kremlə yaxın bütün oliqarxlar və iri məmurlar sistemli şəkildə öz törəmələrini sanballı vəzifələrə yerləşdirirlər. Beləliklə də atalarının istefaya gedəcəyi halda onları əvəzləyən yeni elita formalaşdırılır.
Analitik yazır ki, əslində bunda yeni və təəcüblü heç nə yoxdur. Bütün dövlərdə həmişə siyasi və iqtisadi elita öz törəmələrini ən pullu, ən mühüm vəzifələrə yerləşdirməyə çalışıblar. Məsələ ondadır ki, güclü dünyanın uşaqlarının yüksək mövqeləri tutması sanballı qohumları və valideyinləri olmayanlar üçün sosial lifti kəsməli deyil.