Tillerson Trampla dil tapa bilmir
Dövlət katibi prezidentə «gicbəsər» deyibmi...?
MÖVZU İLƏ ƏLAQƏLİ
-
Həm də dərhal
Qərb İrandan yüksək zənginləşdirilmiş uranı məhv etməyi tələb edir
-
ABŞ Ədliyyə Nazirliyinə qadın namizəd
Trampın yeni prioriteti Pam Bondidir
-
36 illik ənənənin pozulması baha başa gəldi
“Namizədi dəstəkləmək yalnız müstəqil olmama hissi yaradır”
-
“İkinci NATO” olmayacaq
Dehli Tokionun təklifi ilə razılaşmır
-
Hollivudda ikinci Epstein zəlzələsi
Çılğın ziyafətlərin qaranlıq tərəfləri – fahişəlik şəbəkəsi, zorakılıq...
-
... 20 milyon dollar mükafat
İranlı zabitin həbs olunmasına kömək edəcək məlumat üçün ...
-
Kiçik adada gəmirici həyəcanı
Hər yerdə siçovul ovuna çıxıblar
-
Qəddar, ağrılı və işgəncəli
Azot qazı ilə edam mübahisələrə səbəb olub
-
Vaşinqtondan Kiyevə silah icazəsi çıxmadı ...
... Amma Putinin nüvə təhdidinə daha ağır cavab verildi – kaset bombalar
-
Kremldən hədə dolu açıqlama
“Rusiyanın nüvə doktrinasında yeniliklər Qərbə siqnaldır”
-
Ədliyyəyə atılan çanta partladı
20 yaşlı şübhəlinin xəsarət almadığı hadisədə 6 nəfər yaralanıb
-
Ölümdən döndülər ...
... 2 nəfər yaralandı
-
Saatda 19 km sürətlə irəliləyir
ABŞ və Meksikada 3 qasırğanın olacağı gözlənilir
-
Tramp İranı hədələyib
“Ölkənizi məhv edəcəyik deyərdim”
-
Ərdoğandan nümayişkaranə addım
Baydenin şam yeməyinə qatılmayıb
-
312 trilyon dollar borc
Qlobal borclar ilin birinci yarısında 2,1 trilyon dollar artıb
ABŞ dövlət katibi Reks Tillerson prezident Donald Trampla dəfələrlə açıq münaqişəyə girib və istefa həddinə gəlib çatıb. Virtualaz.org xəbər verir ki, bu haqda «NBC News» öz mənbələrinə istinadən bildirir. Telekanalın xəbərinə görə, iş o yerə çatıb ki, Tillerson Trampı hətta «gicbəsər» adlandırıb.
Bildirilir ki, bu yay Tillerson Trampla üst-üstə yığılan ziddiyyətlərə görə istefaya çox yaxın olub. Məsələn, Dövlət Departamentinin rəhbəri Trampın «American Boyscaut» təşkilatının üzvləri qarşısında «olduqca siyasiləşmiş» çıxışından bərk hiddətlənib. Bu təşkilata əvvəllər Tillerson başçılıq edirdi.
Bundan əlavə telekanal üç ayrı məlumatlı mənbəyə istinadən iddia edir ki, Pentaqonda milli təhlükəsizlik komandasının və kabinet üzvlərinin iştirakı ilə keçirilən iclasdan sonra Tillerson Trampın xarici siyasət mövqeyindən o qədər məyus olub ki, prezidenti həmkarları ilə söhbətdə «gicbəsər» adlandırıb. Bu zaman Tramp özü söhbətdə yer almayıb.
Dövlət katibi ilə prezident arasında ziddiyyətlər doğrudan da mövcuddur və bu, dəfələrlə ictimai forma da alıb. «The Washington Post» isə bu yaxınlarda yazmışdı ki, Tramp özü də Tillersondan narazıdır. Onlar Əfqanıstandakı ABŞ qoşunlarının sayı, Qətər böhranı və Kuba məsələsində yekdil mövqeyə gələ bilməyiblər.
«NBC News» telekanalının bildirdiyinə görə, Tillerson Pentaqondakı toplantıda Trampın barəsində kəskin ifadələr işlədəndə və onu «gicbəsər» adlandıranda vitse-prezident Maykl Pens birtəhər onu istefa fikrindən daşındırıb. Pens Tillersondan xahiş edib ki, heç olmasa ilin sonuna qədər işləsin.
«USA Today» da həmin informasiyanı təsdiqləyir, bildirir ki, ola bilsin vitse-prezident dövlət katibinin prezidentə «gicbəsər» deməsindən xəbərsiz olub, lakin Maykl Pens başa düşür ki, Tillerson Trampla dil tapa bilmir.
«NBC News» telekanalını yaydığı bu qalmaqallı məlumatdan sonra Reks Tillerson planlaşdırılmamış brifinq keçirərək nə vaxtsa istefa barədə düşündüyü haqda yayılan bütün məlumatları təkzib edib. Dövlət katibi ABŞ prezidentinin xarici siyasət kursunu tərifləyib və deyib ki, o özü də Trampın «Amerikanı yenidən qüdrətli etməyə çalışan» komandasının üzvüdür. Bununla belə Tillerson Trampı «gicbəsər» adlandırması haqda məlumatları təkzib etməyib. Təkcə bunu bildirib ki, «milləti bölmək səylərinin» iştirakçısı olmayacaq.
Tramp isə bu məlumatlara ənənəvi üslubunda və «Twitter»dən cavab verib. O, əlbəttə ki, bütün günahı jurnalistlərin üzərinə atıb. «Vay, bu gün feyk xəbərlər nə qədər də çoxdur. Mən nə etsəm, nə danışsam da onlar mənim haqqımda doğru danışıb yazmayacaqlar. Feyk media nəzarətdən kənardır. «NBC News» feyk xəbərlərdir, hətta CNN-dən də betər yalançıdır. Bu, dürüst jurnalistika üçün rüsvayçılıqdır», - Tramp bildirib.
Prezident əlavə edib ki, dövlət katibi Tillerson və vitse-prezident Pens «NBC News» telekanalının «uydurmasını» tam təkzib etməlidir. «Onlar isə Amerikadan üzr istəməlidir», - Ağ Ev rəhbəri vurğulayıb.
Qeyd edək ki, indiyədək Trampın komandasından bir sıra yüksək vəzifəli istefaya gedib. Onun milli təhlükəsizlik müşaviri Maykl Flinn isə həmin vəzifədə cəmi 3 həftə işləməklə rekord vurub.