Rusiya Liberal Demokrat Partiyasının (LDPR) lideri Vladimir Jirinovski Moskvada Mərkəzi Klinik Xəstəxanaya yerləşdirilib. Bu barədə RİA Novosti mənbəyə istinadən xəbər verir. Jirinovski koronavirusa yoluxub.

Dekabrda siyasətçi iki il ərzində koronavirusa qarşı səkkiz peyvənd vurdurduğunu bildirib.

Mənbələrə görə, Jirinovskinin ağciyərlərinin 50-75 faizi zədələnib. O, koronavirus fonunda inkişaf edən ikitərəfli pnevmoniya ilə xəstəxanaya yerləşdirilib.

TASS siyasi dairələrdəki mənbəyə istinadən yazır ki, 75 yaşlı siyasətçinin vəziyyəti ağır kimi qiymətləndirilir. "Vladimir Volfoviç xəstəxanaya yerləşdirilib və vəziyyəti ağırdır”, - mənbə bildirib. (virtualaz.org)