Putin İsraildən üzr istəyibmi?
İsrailin baş naziri ofisinin yaydığı üzr xəbəri barədə Kremlin məlumatında heç nə deyilmir
MÖVZU İLƏ ƏLAQƏLİ
-
Putinin “inanclı atəşkəsi”
Aysberqin görünməyən tərəfi
-
Bir milad yazışması
Ukrayna xalqı ən müqəddəs bayramını ruslarla bir gündə qeyd etmək istəmir
-
Azərbaycanlı “Qurd”
VIP mühafizəçidən “Dəniz piyadası”na qədər
-
Dehli Kremldən narazıdır
Modi Putinlə görüşünü niyə təxirə salıb?
-
Putin tələb etdi, Lukaşenko seçim
Minsk müharibəyə qoşulacaqmı?
-
Lukaşenko zəmanət vermir
Rusiya-Belarus danışıqlarının gizlinləri
-
“Ermənistan mövcud olmayacaq”
“Qoruyucu mələklər”i bədxah qonşularımızdan üz çevirməyə başlayır
-
Rusları və Rusiyanı tanımaq
Qurbanlar öz cəlladları ilə əlbir olurlar
-
Ukraynaya “ağıllı bombalar”
Müharibənin taleyini həll edəcək ikinci həmlə
-
Qan donduran “zarafat”
Duma deputatının dediklərinə görə hətta ruslar da utandılar
-
Belarus müharibəyə qoşulur?
“Qırmızı kvadrat”la işarələnmiş zirehlilərin görüntüləri yayılıb
-
“Yeni nüvə təhlükəsi”
Putin “Patriot” raketləri xəbərlərinə YARS-la cavab verib
-
Jurnalist qətlləri çoxalıb
Keçən illə müqayisədə 45 faiz artım var
-
Kadırov ABŞ-ın radarında
“The New York Times” Çeçenistan liderinin idmançılarla əlaqələrini araşdırır
-
Ukraynaya Patriot göndərilir
Qərar ABŞ müdafiə naziri və prezidentinin təsdiqlərini gözləyir
-
“Əl atılacaq son çarədir”
Putin artıq Ukraynadan çıxmağı müzakirə edir
Rusiya prezidenti Vladimir Putin İsrailin baş naziri Naftali Bennetlə telefon söhbətində Rusiya xarici işlər naziri Sergey Lavrovun bugünlərdə yəhudilər və antisemitizm barədə verdiyi bəyanatlara görə üzr istəyib.
Bu barədə məlumatı Bennetin ofisi yayıb.
Mətbuat yazır ki, Kremlin bu telefon danışığı barədə rəsmi məlumatında “üzr söhbəti” yoxdur.
Kremlin rəsmi saytındakı məlumatda deyilir ki, Putin Benneti İsrailin müstəqillik günü münasibətilə təbrik edib və iki lider Ukraynadakı vəziyyəti müzakirə ediblər.
Bu da qeyd olunur ki, söhbət zamanı habelə dinc sakinlərin Mariupoldakı “Azovstal” zavodundan təxliyə olunması məsələsi müzakirə edilib.
Kremlin məlumatında həmçinin deyilir ki, Putin və Bennet qarşıdan gələn 9 may - qələbə gününü müzakirə ediblər.
Məlumata görə Putin söhbət zamanı xatırladıb ki, II Dünya Müharibəsi zamanı getto və ölüm düşərgələrində, habelə cəza əməliyyatlarında nasistlər tərəfindən öldürülmüş 6 milyon yəhudinin 40 faizi SSRİ vətəndaşları olub.
Məlumatda deyilir ki, Putin Bennetdən İsraildə yaşayan veteranlara cansağlığı və xoşbəxtlik arzularını çatdırmağı xahiş edib.
***
Bu il mayın 1-də Rusiyanın xarici işlər naziri Sergey Lavrov Ukrayna prezidenti Vladimir Zelenski ilə nasist Almaniyasının füreri Adolf Hitleri müqayisə etmiş və demişdi ki, Hitlerin damarlarında da yəhudi qanı olub.
Lavrov İtaliya mediasına müsahibəsində Zelenski haqqında demişdi: "O belə bir arqument irəli sürür: əgər o yəhudidirsə onlarda necə nasifikasiya ola bilər. Səhv edə bilərəm, amma A.Hitlerdə də yəhudi qanı olub. Bunun məsələyə qətiyyən heç bir dəxli yoxdur. Müdrik yəhudi xalqı deyib ki, ən qatı antisemitlər bir qayda olaraq yəhudilərdir. Bizdə deyirlər ki, “ailə eyibsiz olmur”.
Lavrovun sözləri İsrail hökumətini hiddətləndirmiş və Rusiya səfiri Anatoli Viktorov izahat verməsi üçün İsrail XİN-ə çağırılmışdı. Lakin Lavrovun nazirliyi bununla da sakitləşməmişdi.
Mayın 3-də nazirliyin “Twitter” hesabında “Antisemitizm haqqında” adlı məqalə dərc olunmuş və məqalədə Lavrovun bəyanatlarına haqq qazandırılmışdı.
Bunun ardınca isə Rusiya XİN-in sözçüsü Mariya Zaxarova iddia etmişdi ki, israilli muzdlular Ukraynada “Azov” batalyonu ilə çiyin-çiyinə döyüşür.